हरम में मुद्दतों ढूँडा शिवालों में फिरा बरसों
तलाश-ए-यार में भटका किया मैं बार-हा बरसों
महीनों हाथ जोड़े की ख़ुशामद बार-हा बरसों
इन्हें झगड़ों में मुझ को हो गए ऐ बेवफ़ा बरसों
मआज़-अल्लाह इस आज़ुर्दगी का क्या ठिकाना है
जो पूछा यार से कब तक न बोलोगे कहा बरसों
ग़नीमत जान जो दिन ज़िंदगी के ऐश में गुज़रें
किसी का भी नहीं रहता ज़माना एक सा बरसों
वही ख़ून-ए-शहीद-ए-नाज़ अब बर्बाद होता है
रहा बन कर जो तेरे हाथ में रंग-ए-हिना बरसों
हमारी बे-क़रारी का ज़रा तुम को न ध्यान आया
महीनों मुंतज़िर रक्खा दिखाया रास्ता बरसों
ज़माने में हमेशा हर महीने चाँद होता है
तिरा जल्वा नज़र आता नहीं ऐ मह-लक़ा बरसों
वहीं पर ले चली बे-ताबी-ए-दिल वाह-री क़िस्मत
फिरा की सर पटकती जिस जगह मेरी दुआ बरसों
अदा हो शुक्र क्यूँ-कर बे-कसी ओ ना-उमीदी का
रही हैं साथ फ़ुर्क़त में यही दो आश्ना बरसों
न आया एक दिन भी वो बुत-ए-बे-रहम ऐ 'जौहर'
उठा कर हाथ काबे की तरफ़ माँगी दुआ बरसों
haram meñ muddatoñ DhūñDā shivāloñ meñ phirā barsoñ
talāsh-e-yār meñ bhaTkā kiyā maiñ bār-hā barsoñ
mahīnoñ haath joḌe kī ḳhushāmad bār-hā barsoñ
inheñ jhagḌoñ meñ mujh ko ho ga.e ai bevafā barsoñ
ma.āz-allāh is āzurdagī kā kyā Thikāna hai
jo pūchhā yaar se kab tak na bologe kahā barsoñ
ġhanīmat jaan jo din zindagī ke aish meñ guzreñ
kisī kā bhī nahīñ rahtā zamāna ek sā barsoñ
vahī ḳhūn-e-shahīd-e-nāz ab barbād hotā hai
rahā ban kar jo tere haath meñ rañg-e-hinā barsoñ
hamārī be-qarārī kā zarā tum ko na dhyān aayā
mahīnoñ muntazir rakkhā dikhāyā rāstā barsoñ
zamāne meñ hamesha har mahīne chāñd hotā hai
tirā jalva nazar aatā nahīñ ai mah-laqā barsoñ
vahīñ par le chalī be-tābi-e-dil vāh-rī qismat
phirā kī sar paTaktī jis jagah merī duā barsoñ
adā ho shukr kyūñ-kar be-kasī o nā-umīdī kā
rahī haiñ saath furqat meñ yahī do āshnā barsoñ
na aayā ek din bhī vo but-e-be-rahm ai 'jauhar'
uThā kar haath ka.abe kī taraf māñgī duā barsoñ
حرم میں مدتوں ڈھونڈا شوالوں میں پھرا برسوں
تلاش یار میں بھٹکا کیا میں بارہا برسوں
مہینوں ہاتھ جوڑے کی خوشامد بارہا برسوں
انہیں جھگڑوں میں مجھ کو ہو گئے اے بے وفا برسوں
معاذ اللہ اس آزردگی کا کیا ٹھکانہ ہے
جو پوچھا یار سے کب تک نہ بولو گے کہا برسوں
غنیمت جان جو دن زندگی کے عیش میں گزریں
کسی کا بھی نہیں رہتا زمانہ ایک سا برسوں
وہی خون شہید ناز اب برباد ہوتا ہے
رہا بن کر جو تیرے ہاتھ میں رنگ حنا برسوں
ہماری بے قراری کا ذرا تم کو نہ دھیان آیا
مہینوں منتظر رکھا دکھایا راستا برسوں
زمانے میں ہمیشہ ہر مہینے چاند ہوتا ہے
ترا جلوہ نظر آتا نہیں اے مہ لقا برسوں
وہیں پر لے چلی بے تابئ دل واہ ری قسمت
پھرا کی سر پٹکتی جس جگہ میری دعا برسوں
ادا ہو شکر کیوں کر بے کسی و نا امیدی کا
رہی ہیں ساتھ فرقت میں یہی دو آشنا برسوں
نہ آیا ایک دن بھی وہ بت بے رحم اے جوہرؔ
اٹھا کر ہاتھ کعبے کی طرف مانگی دعا برسوں