हर शख़्स यहाँ मुझ को बीमार सा लगता है
इस शहर में अब जीना आज़ार सा लगता है
सोचों की दुकानें हैं यादों के खिलौने हैं
सीने में मिरे कोई बाज़ार सा लगता है
देखा तुम्हें जब से एहसास के आँगन में
हर जज़्बा-ए-ख़्वाबीदा बेदार सा लगता है
अब राह-ए-मोहब्बत में चलना है बहुत मुश्किल
इस राह का हर पत्थर कोहसार सा लगता है
माना कि तिरे लब पर अल्फ़ाज़ तो अच्छे हैं
लेकिन ये तिरा लहजा तलवार सा लगता है
कुछ शहर के दुखड़े हैं कुछ घर के मसाइल हैं
मुझ को ये तिरा ख़त भी अख़बार सा लगता है
हालात ने भर दी है तल्ख़ी सी तबीअत में
अब कार-ए-सुख़न-साज़ी दुश्वार सा लगता है
दर-अस्ल वो कैसा है ये बा'द की बातें हैं
चेहरे से मगर 'शाहिद' ग़म-ख़्वार सा लगता है
har shaḳhs yahāñ mujh ko bīmār sā lagtā hai
is shahr meñ ab jiinā āzār sā lagtā hai
sochoñ kī dukāneñ haiñ yādoñ ke khilaune haiñ
siine meñ mire koī bāzār sā lagtā hai
dekhā tumheñ jab se ehsās ke āñgan meñ
har jazba-e-ḳhvābīda bedār sā lagtā hai
ab rāh-e-mohabbat meñ chalnā hai bahut mushkil
is raah kā har patthar kohsār sā lagtā hai
maanā ki tire lab par alfāz to achchhe haiñ
lekin ye tirā lahja talvār sā lagtā hai
kuchh shahr ke dukhḌe haiñ kuchh ghar ke masā.il haiñ
mujh ko ye tirā ḳhat bhī aḳhbār sā lagtā hai
hālāt ne bhar dī hai talḳhī sī tabī.at meñ
ab kār-e-suḳhan-sāzī dushvār sā lagtā hai
dar-asl vo kaisā hai ye ba.ad kī bāteñ haiñ
chehre se magar 'shāhid' ġham-ḳhvār sā lagtā hai
ہر شخص یہاں مجھ کو بیمار سا لگتا ہے
اس شہر میں اب جینا آزار سا لگتا ہے
سوچوں کی دکانیں ہیں یادوں کے کھلونے ہیں
سینے میں مرے کوئی بازار سا لگتا ہے
دیکھا تمہیں جب سے احساس کے آنگن میں
ہر جذبۂ خوابیدہ بیدار سا لگتا ہے
اب راہ محبت میں چلنا ہے بہت مشکل
اس راہ کا ہر پتھر کہسار سا لگتا ہے
مانا کہ ترے لب پر الفاظ تو اچھے ہیں
لیکن یہ ترا لہجہ تلوار سا لگتا ہے
کچھ شہر کے دکھڑے ہیں کچھ گھر کے مسائل ہیں
مجھ کو یہ ترا خط بھی اخبار سا لگتا ہے
حالات نے بھر دی ہے تلخی سی طبیعت میں
اب کار سخن سازی دشوار سا لگتا ہے
دراصل وہ کیسا ہے یہ بعد کی باتیں ہیں
چہرے سے مگر شاہدؔ غم خوار سا لگتا ہے