हर सम्त ज़िंदगी का तमाशा भी ख़ूब है
दुनिया भी ख़ूब रौनक़-ए-दुनिया भी ख़ूब है
जिस शहर में किसी को किसी की ख़बर नहीं
उस शहर-ए-ला-जवाब में जीना भी ख़ूब है
मय-ख़ाना-ए-हयात का अहवाल क्या लिखूँ
साक़ी भी ख़ूब साग़र-ए-सहबा भी ख़ूब है
पी कर शराब गुम मैं रहूँ अपने होश में
ऐ ज़िंदगी ये तेरा तक़ाज़ा भी ख़ूब है
देखा है मैं ने उस के ज़ियाँ में भी फ़ाएदा
बाज़ार-ए-आरज़ू का ख़सारा भी ख़ूब है
होती है अव्वलीं ही मुलाक़ात-ए-आख़िरी
इंसान का ये मौत से रिश्ता भी ख़ूब है
मुद्दत से चल रहा हूँ मगर तय न कर सका
'शाहिद' ये राह-ए-रास्त तमन्ना भी ख़ूब है
har samt zindagī kā tamāshā bhī ḳhuub hai
duniyā bhī ḳhuub raunaq-e-duniyā bhī ḳhuub hai
jis shahr meñ kisī ko kisī kī ḳhabar nahīñ
us shahr-e-lā-javāb meñ jiinā bhī ḳhuub hai
mai-ḳhāna-e-hayāt kā ahvāl kyā likhūñ
saaqī bhī ḳhuub sāġhar-e-sahbā bhī ḳhuub hai
pī kar sharāb gum maiñ rahūñ apne hosh meñ
ai zindagī ye terā taqāzā bhī ḳhuub hai
dekhā hai maiñ ne us ke ziyāñ meñ bhī fā.eda
bāzār-e-ārzū kā ḳhasārā bhī ḳhuub hai
hotī hai avvalīñ hī mulāqāt-e-āḳhirī
insān kā ye maut se rishta bhī ḳhuub hai
muddat se chal rahā huuñ magar tai na kar sakā
'shāhid' ye rāh-e-rāst tamannā bhī ḳhuub hai
ہر سمت زندگی کا تماشا بھی خوب ہے
دنیا بھی خوب رونق دنیا بھی خوب ہے
جس شہر میں کسی کو کسی کی خبر نہیں
اس شہر لا جواب میں جینا بھی خوب ہے
میخانۂ حیات کا احوال کیا لکھوں
ساقی بھی خوب ساغر صہبا بھی خوب ہے
پی کر شراب گم میں رہوں اپنے ہوش میں
اے زندگی یہ تیرا تقاضا بھی خوب ہے
دیکھا ہے میں نے اس کے زیاں میں بھی فائدہ
بازار آرزو کا خسارا بھی خوب ہے
ہوتی ہے اولیں ہی ملاقات آخری
انسان کا یہ موت سے رشتہ بھی خوب ہے
مدت سے چل رہا ہوں مگر طے نہ کر سکا
شاہدؔ یہ راہ راست تمنا بھی خوب ہے