हर नफ़स ताज़ा मुसीबत उम्र भर देखा किए
देखने की शय न थी दुनिया मगर देखा किए
जिस क़यामत से डराता भी है डरता भी है शैख़
ठोकरों में आप की शाम-ओ-सहर देखा किए
तुम तो आसूदा शब-ए-वा'दा थे ख़्वाब-ए-नाज़ में
शब से ले कर सुब्ह तक हम सू-ए-दर देखा किए
बरहमी उन की अदू के ज़ुल्म गर्दूं के सितम
ये तो देखो आफ़तें हम किस क़दर देखा किए
अल्लाह अल्लाह किस क़दर था नाज़ उन की दीद पर
गाहे-गाहे ख़ुद को भी हम इक नज़र देखा किए
आप ही इक हर तरफ़ जल्वा-नुमा थे बे-हिजाब
आप को देखा किए और उम्र भर देखा किए
हम को हर सज्दा था 'क़ैसर' ताज-ए-शाही से सिवा
सर की क़ीमत आस्तान-ए-दोस्त पर देखा किए
har nafas taaza musībat umr bhar dekhā kiye
dekhne kī shai na thī duniyā magar dekhā kiye
jis qayāmat se Darātā bhī hai Dartā bhī hai shaiḳh
Thokaroñ meñ aap kī shām-o-sahar dekhā kiye
tum to āsūda shab-e-va.ada the ḳhvāb-e-nāz meñ
shab se le kar sub.h tak ham sū-e-dar dekhā kiye
barhamī un kī adū ke zulm gardūñ ke sitam
ye to dekho āfateñ ham kis qadar dekhā kiye
allāh allāh kis qadar thā naaz un kī diid par
gāhe-gāhe ḳhud ko bhī ham ik nazar dekhā kiye
aap hī ik har taraf jalva-numā the be-hijāb
aap ko dekhā kiye aur umr bhar dekhā kiye
ham ko har sajda thā 'qaisar' tāj-e-shāhī se sivā
sar kī qīmat āstān-e-dost par dekhā kiye
ہر نفس تازہ مصیبت عمر بھر دیکھا کیے
دیکھنے کی شے نہ تھی دنیا مگر دیکھا کیے
جس قیامت سے ڈراتا بھی ہے ڈرتا بھی ہے شیخ
ٹھوکروں میں آپ کی شام و سحر دیکھا کیے
تم تو آسودہ شب وعدہ تھے خواب ناز میں
شب سے لے کر صبح تک ہم سوئے در دیکھا کیے
برہمی ان کی عدو کے ظلم گردوں کے ستم
یہ تو دیکھو آفتیں ہم کس قدر دیکھا کیے
اللہ اللہ کس قدر تھا ناز ان کی دید پر
گاہے گاہے خود کو بھی ہم اک نظر دیکھا کیے
آپ ہی اک ہر طرف جلوہ نما تھے بے حجاب
آپ کو دیکھا کیے اور عمر بھر دیکھا کیے
ہم کو ہر سجدہ تھا قیصرؔ تاج شاہی سے سوا
سر کی قیمت آستان دوست پر دیکھا کیے