हक़ीक़तों का जलाल देंगे सदाक़तों का जमाल देंगे
तुझे भी हम ऐ ग़म-ए-ज़माना ग़ज़ल के साँचे में ढाल देंगे
तपिश पतंगों को बख़्श देंगे लहू चराग़ों में ढाल देंगे
हम उन की महफ़िल में रह गए हैं तो उन की महफ़िल सँभाल देंगे
न बंदा-ए-अक़्ल-ओ-होश देंगे न अहल-ए-फ़िक्र-ओ-ख़याल देंगे
तुम्हारी ज़ुल्फ़ों को जो दराज़ी तुम्हारे आशुफ़्ता-हाल देंगे
ये 'अक़्ल वाले इसी तरह से हमें फ़रेब-ए-कमाल देंगे
जुनूँ के दामन से फूल चुन कर ख़िरद के दामन में डाल देंगे
हमारी आशुफ़्तगी सलामत सुलझ ही जाएगी ज़ुल्फ़-ए-दौराँ
जो पेच-ओ-ख़म रह गया है बाक़ी वो पेच-ओ-ख़म भी निकाल देंगे
जनाब-ए-शैख़ अपनी फ़िक्र कीजे कि अब ये फ़रमान-ए-बरहमन है
बुतों को सज्दा नहीं करोगे तो बुत-कदे से निकाल देंगे
haqīqatoñ kā jalāl deñge sadāqatoñ kā jamāl deñge
tujhe bhī ham ai ġham-e-zamāna ġhazal ke sāñche meñ Dhaal deñge
tapish patangoñ ko baḳhsh deñge lahū charāġhoñ meñ Dhaal deñge
ham un kī mahfil meñ rah ga.e haiñ to un kī mahfil sañbhāl deñge
na banda-e-aql-o-hosh deñge na ahl-e-fikr-o-ḳhayāl deñge
tumhārī zulfoñ ko jo darāzī tumhāre āshufta-hāl deñge
ye 'aql vaale isī tarah se hameñ fareb-e-kamāl deñge
junūñ ke dāman se phuul chun kar ḳhirad ke dāman meñ Daal deñge
hamārī āshuftagī salāmat sulajh hī jā.egī zulf-e-daurāñ
jo pech-o-ḳham rah gayā hai baaqī vo pech-o-ḳham bhī nikāl deñge
janāb-e-shaiḳh apnī fikr kiije ki ab ye farmān-e-barhaman hai
butoñ ko sajda nahīñ karoge to but-kade se nikāl deñge
حقیقتوں کا جلال دیں گے صداقتوں کا جمال دیں گے
تجھے بھی ہم اے غم زمانہ غزل کے سانچے میں ڈھال دیں گے
تپش پتنگوں کو بخش دیں گے لہو چراغوں میں ڈھال دیں گے
ہم ان کی محفل میں رہ گئے ہیں تو ان کی محفل سنبھال دیں گے
نہ بندۂ عقل و ہوش دیں گے نہ اہل فکر و خیال دیں گے
تمہاری زلفوں کو جو درازی تمہارے آشفتہ حال دیں گے
یہ عقل والے اسی طرح سے ہمیں فریب کمال دیں گے
جنوں کے دامن سے پھول چن کر خرد کے دامن میں ڈال دیں گے
ہماری آشفتگی سلامت سلجھ ہی جائے گی زلف دوراں
جو پیچ و خم رہ گیا ہے باقی وہ پیچ و خم بھی نکال دیں گے
جناب شیخ اپنی فکر کیجے کہ اب یہ فرمان برہمن ہے
بتوں کو سجدہ نہیں کرو گے تو بت کدے سے نکال دیں گے