हक़ीक़त को अजब अंदाज़ से झुठलाया जाता है
ज़माने को ख़ुदा के नाम पर बहकाया जाता है
तअ'ल्लुक़ रहनुमा का मुफ़लिस-ओ-नादार से कैसा
उन्हें वोटों की ख़ातिर वक़्त पर फुस्लाया जाता है
कहीं मेरी शराफ़त को न कमज़ोरी समझ बैठे
कभी दुश्मन को भी इस वास्ते धमकाया जाता है
अगरचे हर नए दिन का नया अंदाज़ है लेकिन
कभी अफ़्साना-ए-पारीना भी दोहराया जाता है
अगर जज़्बात ज़ख़्मी हों तो होगा फ़िक्र भी ज़ख़्मी
यही तारीख़ के औराक़ में भी पाया जाता है
ये रुत्बा हर किसी को कू-ए-जानाँ में नहीं मिलता
कोई मंसूर हो तो दार पर लटकाया जाता है
haqīqat ko ajab andāz se jhuThlāyā jaatā hai
zamāne ko ḳhudā ke naam par bahkāyā jaatā hai
ta.alluq rahnumā kā muflis-o-nādār se kaisā
unheñ voToñ kī ḳhātir vaqt par phuslāya jaatā hai
kahīñ merī sharāfat ko na kamzorī samajh baiThe
kabhī dushman ko bhī is vāste dhamkāyā jaatā hai
agarche har na.e din kā nayā andāz hai lekin
kabhī afsāna-e-pārīna bhī dohrāyā jaatā hai
agar jazbāt zaḳhmī hoñ to hogā fikr bhī zaḳhmī
yahī tārīḳh ke aurāq meñ bhī paayā jaatā hai
ye rutba har kisī ko kū-e-jānāñ meñ nahīñ miltā
koī mansūr ho to daar par laTkāyā jaatā hai
حقیقت کو عجب انداز سے جھٹلایا جاتا ہے
زمانے کو خدا کے نام پر بہکایا جاتا ہے
تعلق رہنما کا مفلس و نادار سے کیسا
انہیں ووٹوں کی خاطر وقت پر پھسلایا جاتا ہے
کہیں میری شرافت کو نہ کمزوری سمجھ بیٹھے
کبھی دشمن کو بھی اس واسطے دھمکایا جاتا ہے
اگرچہ ہر نئے دن کا نیا انداز ہے لیکن
کبھی افسانۂ پارینہ بھی دہرایا جاتا ہے
اگر جذبات زخمی ہوں تو ہوگا فکر بھی زخمی
یہی تاریخ کے اوراق میں بھی پایا جاتا ہے
یہ رتبہ ہر کسی کو کوئے جاناں میں نہیں ملتا
کوئی منصور ہو تو دار پر لٹکایا جاتا ہے