हंगामा-ए-ख़ुदी से तू बे-नियाज़ हो जा
गुम हो के बे-ख़ुदी में आगाह-ए-राज़ हो जा
हद भी तो चाहिए कुछ बे-ए'तिनाइयों की
ग़ारत-गर-ए-तहम्मुल तस्कीं-नवाज़ हो जा
ऐ सरमदी तराने हर शय में सोज़ भर दे
ये किस ने कह दिया है पाबंद-ए-साज़ हो जा
ग़ैरत की चिलमनों से आवाज़ आ रही है
महव-ए-नियाज़-मंदी आ बे-नियाज़ हो जा
आ मिल के फिर बनाएँ मय-ख़ाना-ए-मोहब्बत
मैं जुरआ-कश बनूँ तू पैमाना-साज़ हो जा
सीने में सोज़ बन कर कब तक छुपा रहेगा
उनवान-ए-राज़दारी तफ़्सील-ए-राज़ हो जा
अब सो चुकी उम्मीदें अब थक चुकीं निगाहें
जान-ए-नियाज़-मंदी मसरूफ़-ए-नाज़ हो जा
सोज़-ए-नज़र से छल्कें नग़्मात-ए-राज़-ए-हस्ती
ऐ उक़्दा-ए-तग़ाफ़ुल रूदाद-ए-नाज़ हो जा
'एहसान' काश उट्ठें ये रंग-ओ-बू के पर्दे
ऐ महफ़िल-ए-हक़ीक़त बज़्म-ए-मजाज़ हो जा
hañgāma-e-ḳhudī se tū be-niyāz ho jā
gum ho ke be-ḳhudī meñ āgāh-e-rāz ho jā
had bhī to chāhiye kuchh be-e'tinā.iyoñ kī
ġhārat-gar-e-tahammul taskīñ-navāz ho jā
ai sarmadī tarāne har shai meñ soz bhar de
ye kis ne kah diyā hai pāband-e-sāz ho jā
ġhairat kī chilmanoñ se āvāz aa rahī hai
mahv-e-niyāz-mandī aa be-niyāz ho jā
aa mil ke phir banā.eñ mai-ḳhāna-e-mohabbat
maiñ jur.a-kash banūñ tū paimāna-sāz ho jā
siine meñ soz ban kar kab tak chhupā rahegā
unvān-e-rāzdārī tafsīl-e-rāz ho jā
ab so chukī ummīdeñ ab thak chukīñ nigāheñ
jān-e-niyāz-mandī masrūf-e-nāz ho jā
soz-e-nazar se chhalkeñ naġhmāt-e-rāz-e-hastī
ai uqda-e-taġhāful rūdād-e-nāz ho jā
'ehsān' kaash uTTheñ ye rañg-o-bū ke parde
ai mahfil-e-haqīqat bazm-e-majāz ho jā
ہنگامۂ خودی سے تو بے نیاز ہو جا
گم ہو کے بے خودی میں آگاہ راز ہو جا
حد بھی تو چاہیئے کچھ بے اعتنائیوں کی
غارت گر تحمل تسکیں نواز ہو جا
اے سرمدی ترانے ہر شے میں سوز بھر دے
یہ کس نے کہہ دیا ہے پابند ساز ہو جا
غیرت کی چلمنوں سے آواز آ رہی ہے
محو نیاز مندی آ بے نیاز ہو جا
آ مل کے پھر بنائیں مے خانۂ محبت
میں جرعہ کش بنوں تو پیمانہ ساز ہو جا
سینے میں سوز بن کر کب تک چھپا رہے گا
عنوان رازداری تفصیل راز ہو جا
اب سو چکی امیدیں اب تھک چکیں نگاہیں
جان نیاز مندی مصروف ناز ہو جا
سوز نظر سے چھلکیں نغمات راز ہستی
اے عقدۂ تغافل روداد ناز ہو جا
احسانؔ کاش اٹھیں یہ رنگ و بو کے پردے
اے محفل حقیقت بزم مجاز ہو جا