हमें अपनी ज़ात से इश्क़ हुआ हम अपने लिए बेताब हुए
तुम लोग पराए हिज्र में थे तुम अपने लिए नायाब हुए
हमें किस की ख़बर हमें किस का पता हमें अपना हुसूल ज़रूरी था
मालूम नहीं औरों के लिए हम ख़्वाब हुए कि सराब हुए
इस गाँव के सब कच्चे रस्ते किसी शहर से जा कर मिलते हैं
इस गाँव में जब सैलाब आया वो शहर भी ज़ेर-ए-आब हुए
वो बहार का मंज़र अब जैसे मिरी आँख में आकर ठहर गया
मिरी सोच के सब बेहतर लम्हे तिरी याद से मिल के गुलाब हुए
क्यों ऐसी दुआएँ की जाएँ जो क़ुबूल भी हों तो पता न चले
जिन्हें सैंत के रखा मुद्दत तक वो गुनाह भी नज़्र-ए-सवाब हुए
फिर ज़ह्न में सोचें उठती हैं फिर सोच को पहलू मिलते हैं
तिरी याद के मज़मूँ पर अब तक कितने ही सवाल-ओ-जवाब हुए
hameñ apnī zaat se ishq huā ham apne liye betāb hue
tum log parā.e hijr meñ the tum apne liye nāyāb hue
hameñ kis kī ḳhabar hameñ kis kā pata hameñ apnā husūl zarūrī thā
ma.alūm nahīñ auroñ ke liye ham ḳhvāb hue ki sarāb hue
is gaañv ke sab kachche raste kisī shahr se jā kar milte haiñ
is gaañv meñ jab sailāb aaya vo shahr bhī zer-e-āb hue
vo bahār kā manzar ab jaise mirī aañkh meñ aakar Thahar gayā
mirī soch ke sab behtar lamhe tirī yaad se mil ke gulāb hue
kyoñ aisī duā.eñ kī jaa.eñ jo qubūl bhī hoñ to pata na chale
jinheñ saiñt ke rakhā muddat tak vo gunāh bhī nazr-e-savāb hue
phir zehn meñ socheñ uThtī haiñ phir soch ko pahlū milte haiñ
tirī yaad ke mazmūñ par ab tak kitne hī savāl-o-javāb hue
ہمیں اپنی ذات سے عشق ہوا ہم اپنے لئے بیتاب ہوئے
تم لوگ پرائے ہجر میں تھے تم اپنے لئے نایاب ہوئے
ہمیں کس کی خبر ہمیں کس کا پتہ ہمیں اپنا حصول ضروری تھا
معلوم نہیں اوروں کے لئے ہم خواب ہوئے کہ سراب ہوئے
اس گاؤں کے سب کچے رستے کسی شہر سے جا کر ملتے ہیں
اس گاؤں میں جب سیلاب آیا وہ شہر بھی زیر آب ہوئے
وہ بہار کا منظر اب جیسے مری آنکھ میں آکر ٹھہر گیا
مری سوچ کے سب بہتر لمحے تری یاد سے مل کے گلاب ہوئے
کیوں ایسی دعائیں کی جائیں جو قبول بھی ہوں تو پتہ نہ چلے
جنہیں سینت کے رکھا مدت تک وہ گناہ بھی نذر ثواب ہوئے
پھر ذہن میں سوچیں اٹھتی ہیں پھر سوچ کو پہلو ملتے ہیں
تری یاد کے مضموں پر اب تک کتنے ہی سوال و جواب ہوئے