भरने को जो दामन कोई फूलों से चला हो
क्या जानिए उस शख़्स का क्या हाल हुआ हो
टूटे हुए कुछ ख़्वाब थे पैवस्ता-ए-तक़दीर
किरदार में उन का कोई रेज़ा न चुभा हो
ऐसा भी हुआ है कभी इस दहर में ला कर
इंसान की क़िस्मत को ख़ुदा भूल गया हो
जिस आँख ने इस हाल को पहुँचाया हो क्या ख़ूब
ये हाल उसी आँख से देखा न गया हो
किस तरह फिर आमादगी-ए-क़ल्ब से मलिए
दुखते हुए एहसास का जब ज़ख़्म हरा हो
बे-रब्ती-ए-अन्फ़ास के दौरान तिरी याद
यूँ जैसे मसीहा कोई रस्ते में मिला हो
इक बार 'नसीम' ऐसी कोई कीजिए ख़्वाहिश
जो शौक़ के ना-कर्दा गुनाहों की सज़ा हो
bharne ko jo dāman koī phūloñ se chalā ho
kyā jāniye us shaḳhs kā kyā haal huā ho
TuuTe hue kuchh ḳhvāb the paivasta-e-taqdīr
kirdār meñ un kā koī reza na chubhā ho
aisā bhī huā hai kabhī is dahr meñ lā kar
insān kī qismat ko ḳhudā bhuul gayā ho
jis aañkh ne is haal ko pahuñchāyā ho kyā ḳhuub
ye haal usī aañkh se dekhā na gayā ho
kis tarah phir āmādgī-e-qalb se maliye
dukhte hue ehsās kā jab zaḳhm harā ho
be-rabtī-e-anfās ke daurān tirī yaad
yuuñ jaise masīhā koī raste meñ milā ho
ik baar 'nasīm' aisī koī kījiye ḳhvāhish
jo shauq ke nā-karda gunāhoñ kī sazā ho
بھرنے کو جو دامن کوئی پھولوں سے چلا ہو
کیا جانئے اس شخص کا کیا حال ہوا ہو
ٹوٹے ہوئے کچھ خواب تھے پیوستۂ تقدیر
کردار میں ان کا کوئی ریزہ نہ چبھا ہو
ایسا بھی ہوا ہے کبھی اس دہر میں لا کر
انسان کی قسمت کو خدا بھول گیا ہو
جس آنکھ نے اس حال کو پہنچایا ہو کیا خوب
یہ حال اسی آنکھ سے دیکھا نہ گیا ہو
کس طرح پھر آمادگیٔ قلب سے ملیے
دکھتے ہوئے احساس کا جب زخم ہرا ہو
بے ربطیٔ انفاس کے دوران تری یاد
یوں جیسے مسیحا کوئی رستے میں ملا ہو
اک بار نسیمؔ ایسی کوئی کیجئے خواہش
جو شوق کے ناکردہ گناہوں کی سزا ہو