हमारे साथ जो ये कार-ए-ज़िंदगानी है
किसी भटकती हुई रूह की कहानी है
कहेंगे लाख मगर मानती नहीं दुनिया
हमारा हासिल-ए-गुफ़्तार राएगानी है
बदन ख़ुदा ने तराशा है और लफ़्ज़ों में
जो नक़्श हम ने उभारा है नक़्श-ए-सानी है
ये इज़्तिराब अचानक नहीं मिला दिल को
किसी उदास मुलाक़ात की निशानी है
बरस रहे हैं जो बादल उन्हें कहाँ मा'लूम
हमारी आँख में सहरा की हुक्मरानी है
कुछ ऐसे लोग भी हैं 'उम्र के तसलसुल में
कि जिन के दम से मिरे साँस में रवानी है
hamāre saath jo ye kār-e-zindagānī hai
kisī bhaTaktī huī ruuh kī kahānī hai
kaheñge laakh magar māntī nahīñ duniyā
hamārā hāsil-e-guftār rā.egānī hai
badan ḳhudā ne tarāshā hai aur lafzoñ meñ
jo naqsh ham ne ubhārā hai naqsh-e-sānī hai
ye iztirāb achānak nahīñ milā dil ko
kisī udaas mulāqāt kī nishānī hai
baras rahe haiñ jo bādal unheñ kahāñ mā'lūm
hamārī aañkh meñ sahrā kī hukmrānī hai
kuchh aise log bhī haiñ 'umr ke tasalsul meñ
ki jin ke dam se mire saañs meñ ravānī hai
ہمارے ساتھ جو یہ کار زندگانی ہے
کسی بھٹکتی ہوئی روح کی کہانی ہے
کہیں گے لاکھ مگر مانتی نہیں دنیا
ہمارا حاصل گفتار رائیگانی ہے
بدن خدا نے تراشا ہے اور لفظوں میں
جو نقش ہم نے ابھارا ہے نقش ثانی ہے
یہ اضطراب اچانک نہیں ملا دل کو
کسی اداس ملاقات کی نشانی ہے
برس رہے ہیں جو بادل انہیں کہاں معلوم
ہماری آنکھ میں صحرا کی حکمرانی ہے
کچھ ایسے لوگ بھی ہیں عمر کے تسلسل میں
کہ جن کے دم سے مرے سانس میں روانی ہے