हम-शक्ल कह दिया था रुख़-ए-ला-जवाब का
अब आसमान पर है दिमाग़ आफ़्ताब का
कम कर दे नूर काम नहीं है नक़ाब का
छुपता नहीं ग़ुबार से मुँह आफ़्ताब का
ये हुस्न एक मंज़र-ए-दिल-कश है ख़्वाब का
सरकार ए'तिबार न कीजे शबाब का
आईना ला के रख दिया आज उन के सामने
क़ाइल बना दिया निगह-ए-इंतिख़ाब का
क्या हाल कर दिया है मिरा मुझ को देख लो
तुम क्या करोगे इस दिल-ए-ख़ाना-ख़राब का
वो क्या हैं आज उन के फ़रिश्ते भी आएँगे
वा'दे की शब नहीं है ये दिन है हिसाब का
क्या ख़ूब कम-सिनी में तुम्हें इंतिज़ार-ए-हश्र
और हश्र मुंतज़िर है तुम्हारे शबाब का
दुनिया खड़ी है उन की ज़ियारत के वास्ते
महशर बना हुआ है ज़माना शबाब का
वो बे-हिजाब और भला मेरे सामने
ये कहिए बंद टूट गया है नक़ाब का
हसरत से देखता है तबीबों का मुँह मरीज़
शायद समझ गया है इशारा जवाब का
सय्याद सामने से हटा ले ज़रा क़फ़स
घर जल रहा है बुलबुल-ए-ख़ाना-ख़राब का
पोंछे हैं अश्क दामन-ए-दरिया से मौज ने
देखा गया न फूट के रोना हबाब का
शक था जो काफ़िरों को नबुव्वत में ऐ 'क़मर'
शाहिद मैं ही बना था रिसालत-मआ'ब का
ham-shakl kah diyā thā ruḳh-e-lā-javāb kā
ab āsmān par hai dimāġh āftāb kā
kam kar de nuur kaam nahīñ hai naqāb kā
chhuptā nahīñ ġhubār se muñh āftāb kā
ye husn ek manzar-e-dil-kash hai ḳhvāb kā
sarkār e'tibār na kiije shabāb kā
ā.īna lā ke rakh diyā aaj un ke sāmne
qaa.il banā diyā nigah-e-intiḳhāb kā
kyā haal kar diyā hai mirā mujh ko dekh lo
tum kyā karoge is dil-e-ḳhāna-ḳharāb kā
vo kyā haiñ aaj un ke farishte bhī ā.eñge
vā'de kī shab nahīñ hai ye din hai hisāb kā
kyā ḳhuub kam-sinī meñ tumheñ intizār-e-hashr
aur hashr muntazir hai tumhāre shabāb kā
duniyā khaḌī hai un kī ziyārat ke vāste
mahshar banā huā hai zamāna shabāb kā
vo be-hijāb aur bhalā mere sāmne
ye kahiye band TuuT gayā hai naqāb kā
hasrat se dekhtā hai tabīboñ kā muñh marīz
shāyad samajh gayā hai ishāra javāb kā
sayyād sāmne se haTā le zarā qafas
ghar jal rahā hai bulbul-e-ḳhāna-ḳharāb kā
poñchhe haiñ ashk dāman-e-dariyā se mauj ne
dekhā gayā na phuuT ke ronā habāb kā
shak thā jo kāfiroñ ko nubuvvat meñ ai 'qamar'
shāhid maiñ hī banā thā risālat-ma.āb kā
ہم شکل کہہ دیا تھا رخ لا جواب کا
اب آسمان پر ہے دماغ آفتاب کا
کم کر دے نور کام نہیں ہے نقاب کا
چھپتا نہیں غبار سے منہ آفتاب کا
یہ حسن ایک منظر دل کش ہے خواب کا
سرکار اعتبار نہ کیجے شباب کا
آئینہ لا کے رکھ دیا آج ان کے سامنے
قائل بنا دیا نگہ انتخاب کا
کیا حال کر دیا ہے مرا مجھ کو دیکھ لو
تم کیا کرو گے اس دل خانہ خراب کا
وہ کیا ہیں آج ان کے فرشتے بھی آئیں گے
وعدے کی شب نہیں ہے یہ دن ہے حساب کا
کیا خوب کم سنی میں تمہیں انتظار حشر
اور حشر منتظر ہے تمہارے شباب کا
دنیا کھڑی ہے ان کی زیارت کے واسطے
محشر بنا ہوا ہے زمانہ شباب کا
وہ بے حجاب اور بھلا میرے سامنے
یہ کہیے بند ٹوٹ گیا ہے نقاب کا
حسرت سے دیکھتا ہے طبیبوں کا منہ مریض
شاید سمجھ گیا ہے اشارہ جواب کا
صیاد سامنے سے ہٹا لے ذرا قفس
گھر جل رہا ہے بلبل خانہ خراب کا
پونچھے ہیں اشک دامن دریا سے موج نے
دیکھا گیا نہ پھوٹ کے رونا حباب کا
شک تھا جو کافروں کو نبوت میں اے قمرؔ
شاہد میں ہی بنا تھا رسالت مآب کا