हम से उल्फ़त जताई जाती है
बे-क़रारी बढ़ाई जाती है
देख कर उन के लब पे ख़ंदा-ए-नूर
नींद सी ग़म को आई जाती है
ग़म-ए-उल्फ़त के कार-ख़ाने में
ज़िंदगी जगमगाई जाती है
उन की चश्म-ए-करम पे नाज़ न कर
यूँ भी हस्ती मिटाई जाती है
बज़्म में देख रंग-ए-आमद-ए-दोस्त
रौशनी थरथराई जाती है
देख ऐ दिल वो उठ रही है नक़ाब
अब नज़र आज़माई जाती है
उन के जाते ही क्या हुआ दिल को
शम्अ' सी झिलमिलाई जाती है
तेरी हर एक बात में 'एहसान'
इक न इक बात पाई जाती है
ham se ulfat jatā.ī jaatī hai
be-qarārī baḌhā.ī jaatī hai
dekh kar un ke lab pe ḳhanda-e-nūr
niiñd sī ġham ko aa.ī jaatī hai
ġham-e-ulfat ke kār-ḳhāne meñ
zindagī jagmagā.ī jaatī hai
un kī chashm-e-karam pe naaz na kar
yuuñ bhī hastī miTā.ī jaatī hai
bazm meñ dekh rañg-e-āmad-e-dost
raushnī thartharā.ī jaatī hai
dekh ai dil vo uTh rahī hai naqāb
ab nazar āzmā.ī jaatī hai
un ke jaate hī kyā huā dil ko
sham.a sī jhilmilā.ī jaatī hai
terī har ek baat meñ 'ehsān'
ik na ik baat paa.ī jaatī hai
ہم سے الفت جتائی جاتی ہے
بے قراری بڑھائی جاتی ہے
دیکھ کر ان کے لب پہ خندۂ نور
نیند سی غم کو آئی جاتی ہے
غم الفت کے کارخانے میں
زندگی جگمگائی جاتی ہے
ان کی چشم کرم پہ ناز نہ کر
یوں بھی ہستی مٹائی جاتی ہے
بزم میں دیکھ رنگ آمد دوست
روشنی تھرتھرائی جاتی ہے
دیکھ اے دل وہ اٹھ رہی ہے نقاب
اب نظر آزمائی جاتی ہے
ان کے جاتے ہی کیا ہوا دل کو
شمع سی جھلملائی جاتی ہے
تیری ہر ایک بات میں احسانؔ
اک نہ اک بات پائی جاتی ہے