हम फिरे शहर में आवारा-ओ-रूस्वा बरसों
दिल के मंदिर में तिरे वहम को पूजा बरसों
वो बदन चाँद के जैसा था मिरे अक्स के साथ
दिन की रौनक़ में भी इक ख़्वाब सा देखा बरसों
क़ुर्ब ने खोल दिए हुस्न के उक़्दे सारे
ज़िंदगी खाती रही इश्क़ का धोका बरसों
अब तो हँसने की इजाज़त ग़म-ए-दौराँ दे दे
वक़्त रो रो के बहुत हम ने गुज़ारा बरसों
कोई ऐसा न मिला जिस से ख़बर कुछ मिलती
अपना हाल अपनी ही तस्वीर से पूछा बरसों
अब नहीं ताब कि सदमात की यूरिश झेले
तल्ख़ियाँ होती रहीं दिल को गवारा बरसों
ये अलग बात कि रास आया तिरा ग़म हम को
वर्ना घेरे रहा यूँ तो ग़म-ए-दुनिया बरसों
उस से पूछो कि है क्या कैफ़-ए-शिकस्त-ए-उम्मीद
जिस ने झेला है ग़म-ए-वा'दा-ए-फ़र्दा बरसों
एक मासूम लगावट थी कि जिस की ख़ातिर
दिल को मर्ग़ूब रही रंजिश-ए-बेजा बरसों
तुम कि हर साँस में हर आह में हर ख़्वाब में थे
फिर भी हम अपने को पाते रहे तन्हा बरसों
अक़्ल सुलझा न सकी उलझे मसाइल 'क़ादिर'
आँख ने देखा है क़िस्मत का तमाशा बरसों
ham phire shahr meñ āvāra-o-rusvā barsoñ
dil ke mandir meñ tire vahm ko puujā barsoñ
vo badan chāñd ke jaisā thā mire aks ke saath
din kī raunaq meñ bhī ik ḳhvāb sā dekhā barsoñ
qurb ne khol diye husn ke uqde saare
zindagī khātī rahī ishq kā dhokā barsoñ
ab to hañsne kī ijāzat ġham-e-daurāñ de de
vaqt ro ro ke bahut ham ne guzārā barsoñ
koī aisā na milā jis se ḳhabar kuchh miltī
apnā haal apnī hī tasvīr se pūchhā barsoñ
ab nahīñ taab ki sadmāt kī yūrish jhele
talḳhiyāñ hotī rahīñ dil ko gavāra barsoñ
ye alag baat ki raas aayā tirā ġham ham ko
varna ghere rahā yuuñ to ġham-e-duniyā barsoñ
us se pūchho ki hai kyā kaif-e-shikast-e-ummīd
jis ne jhelā hai ġham-e-va.ada-e-fardā barsoñ
ek ma.asūm lagāvaT thī ki jis kī ḳhātir
dil ko marġhūb rahī ranjish-e-bejā barsoñ
tum ki har saañs meñ har aah meñ har ḳhvāb meñ the
phir bhī ham apne ko paate rahe tanhā barsoñ
aql suljhā na sakī uljhe masā.il 'qādir'
aañkh ne dekhā hai qismat kā tamāsha barsoñ
ہم پھرے شہر میں آوارہ و رسوا برسوں
دل کے مندر میں ترے وہم کو پوجا برسوں
وہ بدن چاند کے جیسا تھا مرے عکس کے ساتھ
دن کی رونق میں بھی اک خواب سا دیکھا برسوں
قرب نے کھول دئے حسن کے عقدے سارے
زندگی کھاتی رہی عشق کا دھوکا برسوں
اب تو ہنسنے کی اجازت غم دوراں دے دے
وقت رو رو کے بہت ہم نے گزارا برسوں
کوئی ایسا نہ ملا جس سے خبر کچھ ملتی
اپنا حال اپنی ہی تصویر سے پوچھا برسوں
اب نہیں تاب کہ صدمات کی یورش جھیلے
تلخیاں ہوتی رہیں دل کو گوارہ برسوں
یہ الگ بات کہ راس آیا ترا غم ہم کو
ورنہ گھیرے رہا یوں تو غم دنیا برسوں
اس سے پوچھو کہ ہے کیا کیف شکست امید
جس نے جھیلا ہے غم وعدۂ فردا برسوں
ایک معصوم لگاوٹ تھی کہ جس کی خاطر
دل کو مرغوب رہی رنجش بے جا برسوں
تم کہ ہر سانس میں ہر آہ میں ہر خواب میں تھے
پھر بھی ہم اپنے کو پاتے رہے تنہا برسوں
عقل سلجھا نہ سکی الجھے مسائل قادرؔ
آنکھ نے دیکھا ہے قسمت کا تماشہ برسوں