हम ने खुलने न दिया बे-सर-ओ-सामानी को
कहाँ ले जाएँ मगर शहर की वीरानी को
सिर्फ़ गुफ़्तार से ज़ख़्मों का रफ़ू चाहते हैं
ये सियासत है तो फिर क्या कहीं नादानी को
कोई तक़्सीम नई कर के चला जाता है
जो भी आता है मिरे घर की निगहबानी को
अब कहाँ जाऊँ कि घर में भी हूँ दुश्मन अपना
और बाहर मिरा दुश्मन है निगहबानी को
बे-हिसी वो है कि करता नहीं इंसाँ महसूस
अपनी ही रूह में आई हुई तुग़्यानी को
आज भी उस को फ़राज़ आज भी आली है वही
वही सज्दा जो करे वक़्त की सुल्तानी को
आज यूसुफ़ पे अगर वक़्त ये लाए हो तो क्या
कल तुम्हीं तख़्त भी दोगे इसी ज़िंदानी को
सुब्ह खलने की हो या शाम बिखर जाने की
हम ने ख़ुशबू ही किया अपनी परेशानी को
वो भी हर-आन नया मेरी मोहब्बत भी नई
जल्वा-ए-हुस्न कशिश है मिरी हैरानी को
कूज़ा-ए-हर्फ़ में लाया हूँ तुम्हारी ख़ातिर
रूह पर उतरे हुए एक अजब पानी को
ham ne khulne na diyā be-sar-o-sāmānī ko
kahāñ le jaa.eñ magar shahr kī vīrānī ko
sirf guftār se zaḳhmoñ kā rafū chāhte haiñ
ye siyāsat hai to phir kyā kahīñ nādānī ko
koī taqsīm na.ī kar ke chalā jaatā hai
jo bhī aatā hai mire ghar kī nigahbānī ko
ab kahāñ jā.ūñ ki ghar meñ bhī huuñ dushman apnā
aur bāhar mirā dushman hai nigahbānī ko
be-hisī vo hai ki kartā nahīñ insāñ mahsūs
apnī hī ruuh meñ aa.ī huī tuġhyānī ko
aaj bhī us ko farāz aaj bhī aalī hai vahī
vahī sajda jo kare vaqt kī sultānī ko
aaj yūsuf pe agar vaqt ye laa.e ho to kyā
kal tumhīñ taḳht bhī doge isī zindānī ko
sub.h khalne kī ho yā shaam bikhar jaane kī
ham ne ḳhushbū hī kiyā apnī pareshānī ko
vo bhī har-ān nayā merī mohabbat bhī na.ī
jalva-e-husn kashish hai mirī hairānī ko
kūza-e-harf meñ laayā huuñ tumhārī ḳhātir
ruuh par utre hue ek ajab paanī ko
ہم نے کھلنے نہ دیا بے سر و سامانی کو
کہاں لے جائیں مگر شہر کی ویرانی کو
صرف گفتار سے زخموں کا رفو چاہتے ہیں
یہ سیاست ہے تو پھر کیا کہیں نادانی کو
کوئی تقسیم نئی کر کے چلا جاتا ہے
جو بھی آتا ہے مرے گھر کی نگہبانی کو
اب کہاں جاؤں کہ گھر میں بھی ہوں دشمن اپنا
اور باہر مرا دشمن ہے نگہبانی کو
بے حسی وہ ہے کہ کرتا نہیں انساں محسوس
اپنی ہی روح میں آئی ہوئی طغیانی کو
آج بھی اس کو فراز آج بھی عالی ہے وہی
وہی سجدہ جو کرے وقت کی سلطانی کو
آج یوسف پہ اگر وقت یہ لائے ہو تو کیا
کل تمہیں تخت بھی دو گے اسی زندانی کو
صبح کھلنے کی ہو یا شام بکھر جانے کی
ہم نے خوشبو ہی کیا اپنی پریشانی کو
وہ بھی ہر آن نیا میری محبت بھی نئی
جلوۂ حسن کشش ہے مری حیرانی کو
کوزۂ حرف میں لایا ہوں تمہاری خاطر
روح پر اترے ہوئے ایک عجب پانی کو