हम अपने रफ़्तगाँ को याद रखना चाहते हैं
दिलों को दर्द से आबाद रखना चाहते हैं
मुबादा मुंदमिल ज़ख़्मों की सूरत भूल ही जाएँ
अभी कुछ दिन ये घर बरबाद रखना चाहते हैं
बहुत रौनक़ थी उन के दम क़दम से शहर-ए-जाँ में
वही रौनक़ हम उन के बा'द रखना चाहते हैं
बहुत मुश्किल ज़मानों में भी हम अहल-ए-मोहब्बत
वफ़ा पर इश्क़ की बुनियाद रखना चाहते हैं
सरों में एक ही सौदा कि लौ देने लगे ख़ाक
उमीदें हस्ब-ए-इस्तेदाद रखना चाहते हैं
कहीं ऐसा न हो हर्फ़-ए-दुआ मफ़्हूम खो दे
दुआ को सूरत-ए-फ़रियाद रखना चाहते हैं
क़लम आलूदा-ए-नान-ओ-नमक रहता है फिर भी
जहाँ तक हो सके आज़ाद रखना चाहते हैं
ham apne raftagāñ ko yaad rakhnā chāhte haiñ
diloñ ko dard se ābād rakhnā chāhte haiñ
mubādā mundamil zaḳhmoñ kī sūrat bhuul hī jaa.eñ
abhī kuchh din ye ghar barbād rakhnā chāhte haiñ
bahut raunaq thī un ke dam qadam se shahr-e-jāñ meñ
vahī raunaq ham un ke baa'd rakhnā chāhte haiñ
bahut mushkil zamānoñ meñ bhī ham ahl-e-mohabbat
vafā par ishq kī buniyād rakhnā chāhte haiñ
saroñ meñ ek hī saudā ki lau dene lage ḳhaak
umīdeñ hasb-e-istedād rakhnā chāhte haiñ
kahīñ aisā na ho harf-e-duā mafhūm kho de
duā ko sūrat-e-fariyād rakhnā chāhte haiñ
qalam ālūda-e-nān-o-namak rahtā hai phir bhī
jahāñ tak ho sake āzād rakhnā chāhte haiñ
ہم اپنے رفتگاں کو یاد رکھنا چاہتے ہیں
دلوں کو درد سے آباد رکھنا چاہتے ہیں
مبادا مندمل زخموں کی صورت بھول ہی جائیں
ابھی کچھ دن یہ گھر برباد رکھنا چاہتے ہیں
بہت رونق تھی ان کے دم قدم سے شہر جاں میں
وہی رونق ہم ان کے بعد رکھنا چاہتے ہیں
بہت مشکل زمانوں میں بھی ہم اہل محبت
وفا پر عشق کی بنیاد رکھنا چاہتے ہیں
سروں میں ایک ہی سودا کہ لو دینے لگے خاک
امیدیں حسب استعداد رکھنا چاہتے ہیں
کہیں ایسا نہ ہو حرف دعا مفہوم کھو دے
دعا کو صورت فریاد رکھنا چاہتے ہیں
قلم آلودۂ نان و نمک رہتا ہے پھر بھی
جہاں تک ہو سکے آزاد رکھنا چاہتے ہیں