हम अपने दुख को गाने लग गए हैं
मगर इस में ज़माने लग गए हैं
किसी की तर्बियत का है करिश्मा
ये आँसू मुस्कुराने लग गए हैं
कहानी रुख़ बदलना चाहती है
नए किरदार आने लग गए हैं
ये हासिल है मिरी ख़ामोशियों का
कि पत्थर आज़माने लग गए हैं
ये मुमकिन है किसी दिन तुम भी आओ
परिंदे आने जाने लग गए हैं
जिन्हें हम मंज़िलों तक ले के आए
वही रस्ता बताने लग गए हैं
शराफ़त रंग दिखलाती है 'दानिश'
कई दुश्मन ठिकाने लग गए हैं
ham apne dukh ko gaane lag ga.e haiñ
magar is meñ zamāne lag ga.e haiñ
kisī kī tarbiyat kā hai karishma
ye aañsū muskurāne lag ga.e haiñ
kahānī ruḳh badalnā chāhtī hai
na.e kirdār aane lag ga.e haiñ
ye hāsil hai mirī ḳhāmoshiyoñ kā
ki patthar āzmāne lag ga.e haiñ
ye mumkin hai kisī din tum bhī aao
parinde aane jaane lag ga.e haiñ
jinheñ ham manziloñ tak le ke aa.e
vahī rasta batāne lag ga.e haiñ
sharāfat rañg dikhlātī hai 'dānish'
ka.ī dushman Thikāne lag ga.e haiñ
ہم اپنے دکھ کو گانے لگ گئے ہیں
مگر اس میں زمانے لگ گئے ہیں
کسی کی تربیت کا ہے کرشمہ
یہ آنسو مسکرانے لگ گئے ہیں
کہانی رخ بدلنا چاہتی ہے
نئے کردار آنے لگ گئے ہیں
یہ حاصل ہے مری خاموشیوں کا
کہ پتھر آزمانے لگ گئے ہیں
یہ ممکن ہے کسی دن تم بھی آؤ
پرندے آنے جانے لگ گئے ہیں
جنہیں ہم منزلوں تک لے کے آئے
وہی رستہ بتانے لگ گئے ہیں
شرافت رنگ دکھلاتی ہے دانشؔ
کئی دشمن ٹھکانے لگ گئے ہیں