है नौ-जवानी में ज़ोफ़-ए-पीरी बदन में रअशा कमर में ख़म है
ज़मीं पे साया है अपने क़द का कि जादा-ए-मंज़िल-ए-अदम है
यही है रस्म-ए-जहान-ए-फ़ानी इसी में कटती है ज़िंदगानी
कभी है सामान-ए-ऐश-ओ-राहत कभी हुजूम-ए-ग़म-ओ-अलम है
बताओ क्यूँ चुप हो मुँह से बोलो गुहर-फ़िशाँ हो दहन तो खोलो
अज़ीज़ रखते हो जिस को दिल से उसी के सर की तुम्हें क़सम है
हटाओ आईने को ख़ुदारा लबों पे आया है दम हमारा
बनाव तुम देखते हो अपना यहाँ है धड़का कि रात कम है
तुम्हारे कूचे में जब से बैठे भुलाए दिल से सभी तरीक़े
ख़ुदा ही शाहिद जो जानते हों कहाँ कलीसा कहाँ हरम है
अबस है कोशिश हुसूल-ए-ज़र में ख़याल-ए-फ़ासिद को रख न सर में
वही मिलेगा अज़ल से जो कुछ हर एक के नाम पर रक़म है
फ़रिश्ते जन्नत को ले चले थे प तेरे कूचे में हम जो पहुँचे
मचल गए उन से कह के छोड़ो हमें यही गुलशन-ए-इरम है
जुदा हो जब यार अपना साक़ी कहाँ की सोहबत शराब कैसी
पिलाएँ गर ख़िज़्र आब-ए-हैवाँ हम उस को समझें यही कि सम है
जिलाए या हम को कोई मारे बहिश्त दे या सक़र में डाले
रहेगा उस बुत का नाम लब पर हमारे जब तक कि दम में दम है
'हबीब' ता-चंद फ़िक्र-ए-दौलत कभी तो कर दिल से शुक्र-ए-नेअमत
करीम को है करम की आदत मगर ये ग़फ़लत तिरी सितम है
hai nau-javānī meñ zo.af-e-pīrī badan meñ ra.asha kamar meñ ḳham hai
zamīñ pe saaya hai apne qad kā ki jāda-e-manzil-e-adam hai
yahī hai rasm-e-jahān-e-fānī isī meñ kaTtī hai zindagānī
kabhī hai sāmān-e-aish-o-rāhat kabhī hujūm-e-ġham-o-alam hai
batāo kyuuñ chup ho muñh se bolo guhar-fishāñ ho dahan to kholo
aziiz rakhte ho jis ko dil se usī ke sar kī tumheñ qasam hai
haTāo ā.īne ko ḳhudārā laboñ pe aayā hai dam hamārā
banāv tum dekhte ho apnā yahāñ hai dhaḌkā ki raat kam hai
tumhāre kūche meñ jab se baiThe bhulā.e dil se sabhī tarīqe
ḳhudā hī shāhid jo jānte hoñ kahāñ kalīsā kahāñ haram hai
abas hai koshish husūl-e-zar meñ ḳhayāl-e-fāsid ko rakh na sar meñ
vahī milegā azal se jo kuchh har ek ke naam par raqam hai
farishte jannat ko le chale the pa tere kūche meñ ham jo pahuñche
machal ga.e un se kah ke chhoḌo hameñ yahī gulshan-e-iram hai
judā ho jab yaar apnā saaqī kahāñ kī sohbat sharāb kaisī
pilā.eñ gar ḳhizr āb-e-haivāñ ham us ko samjheñ yahī ki sam hai
jilā.e yā ham ko koī maare bahisht de yā saqar meñ Daale
rahegā us but kā naam lab par hamāre jab tak ki dam meñ dam hai
'habīb' tā-chand fikr-e-daulat kabhī to kar dil se shukr-e-ne.amat
karīm ko hai karam kī aadat magar ye ġhaflat tirī sitam hai
ہے نو جوانی میں ضعف پیری بدن میں رعشہ کمر میں خم ہے
زمیں پہ سایہ ہے اپنے قد کا کہ جادۂ منزل عدم ہے
یہی ہے رسم جہان فانی اسی میں کٹتی ہے زندگانی
کبھی ہے سامان عیش و راحت کبھی ہجوم غم و الم ہے
بتاؤ کیوں چپ ہو منہ سے بولو گہر فشاں ہو دہن تو کھولو
عزیز رکھتے ہو جس کو دل سے اسی کے سر کی تمہیں قسم ہے
ہٹاؤ آئینہ کو خدارا لبوں پہ آیا ہے دم ہمارا
بناؤ تم دیکھتے ہو اپنا یہاں ہے دھڑکا کہ رات کم ہے
تمہارے کوچہ میں جب سے بیٹھے بھلائے دل سے سبھی طریقے
خدا ہی شاہد جو جانتے ہوں کہاں کلیسا کہاں حرم ہے
عبث ہے کوشش حصول زر میں خیال فاسد کو رکھ نہ سر میں
وہی ملے گا ازل سے جو کچھ ہر ایک کے نام پر رقم ہے
فرشتے جنت کو لے چلے تھے پہ تیرے کوچہ میں ہم جو پہنچے
مچل گئے ان سے کہہ کے چھوڑو ہمیں یہی گلشن ارم ہے
جدا ہو جب یار اپنا ساقی کہاں کی صحبت شراب کیسی
پلائیں گر خضر آب حیواں ہم اس کو سمجھیں یہی کہ سم ہے
جلائے یا ہم کو کوئی مارے بہشت دے یا سقر میں ڈالے
رہے گا اس بت کا نام لب پر ہمارے جب تک کہ دم میں دم ہے
حبیبؔ تا چند فکر دولت کبھی تو کر دل سے شکر نعمت
کریم کو ہے کرم کی عادت مگر یہ غفلت تری ستم ہے