है इन्हीं दो नामों से हर एक अफ़्साने का नाम
एक तेरा नाम है इक तेरे दीवाने का नाम
तुझ से रौशन है चराग़-ए-महफ़िल-ए-दार-ओ-रसन
मुझ से भी इस दौर में ज़िंदा है परवाने का नाम
तेरी ज़ुल्फ़-ओ-चश्म-ओ-लब का नाम है मेरी ग़ज़ल
तेरा अंदाज़-ए-सुख़न मेरे ग़ज़ल गाने का नाम
चल उसी अंदाज़ से हाँ चल उसी अंदाज़ से
शोख़ी-ए-बाद-ए-सबा है तेरे इठलाने का नाम
मौज-ए-ख़ुशबू-ए-ग़ज़ल बे-रंगी-ए-रू-ए-ग़ज़ल
इक तिरे आने का है नाम इक तिरे जाने का नाम
ज़िंदा-ए-जावेद मेरी शाइ'री ने कर दिया
नाम तेरे गेसुओं का और मिरे शाने का नाम
फूल तोड़े कोई पत्थर हम को मारा जाए है
तू ने इतना कर दिया बदनाम दीवाने का नाम
हम हैं 'आजिज़' आबरू-ए-बज़्म-ए-यारान-ए-ग़ज़ल
अब इसी आईने से है आइना-ख़ाने का नाम
hai inhīñ do nāmoñ se har ek afsāne kā naam
ek terā naam hai ik tere dīvāne kā naam
tujh se raushan hai charāġh-e-mahfil-e-dār-o-rasan
mujh se bhī is daur meñ zinda hai parvāne kā naam
terī zulf-o-chashm-o-lab kā naam hai merī ġhazal
terā andāz-e-suḳhan mere ġhazal gaane kā naam
chal usī andāz se haañ chal usī andāz se
shoḳhī-e-bād-e-sabā hai tere iThlāne kā naam
mauj-e-ḳhushbū-e-ġhazal be-rañgī-e-rū-e-ġhazal
ik tire aane kā hai naam ik tire jaane kā naam
zinda-e-jāved merī shā.irī ne kar diyā
naam tere gesuoñ kā aur mire shāne kā naam
phuul toḌe koī patthar ham ko maarā jaa.e hai
tū ne itnā kar diyā badnām dīvāne kā naam
ham haiñ 'ājiz' ābrū-e-bazm-e-yārān-e-ġhazal
ab isī ā.īne se hai ā.ina-ḳhāne kā naam
ہے انہیں دو ناموں سے ہر ایک افسانے کا نام
ایک تیرا نام ہے اک تیرے دیوانے کا نام
تجھ سے روشن ہے چراغ محفل دار و رسن
مجھ سے بھی اس دور میں زندہ ہے پروانے کا نام
تیری زلف و چشم و لب کا نام ہے میری غزل
تیرا انداز سخن میرے غزل گانے کا نام
چل اسی انداز سے ہاں چل اسی انداز سے
شوخیٔ باد صبا ہے تیرے اٹھلانے کا نام
موج خوشبوئے غزل بے رنگیٔ روئے غزل
اک ترے آنے کا ہے نام اک ترے جانے کا نام
زندۂ جاوید میری شاعری نے کر دیا
نام تیرے گیسوؤں کا اور مرے شانے کا نام
پھول توڑے کوئی پتھر ہم کو مارا جائے ہے
تو نے اتنا کر دیا بدنام دیوانے کا نام
ہم ہیں عاجزؔ آبروئے بزم یاران غزل
اب اسی آئینے سے ہے آئنہ خانے کا نام