हालात पर निगाह रुतों पर नज़र न थी
जब तक रहे चमन में चमन की ख़बर न थी
ख़ुद अपने घर को आग दिखाई थी आप ने
इस में तो कोई साज़िश-ए-बर्क़-ओ-शरर न थी
रूदाद-ए-तीरा-बख़्ती-ए-अहबाब क्या कहें
उन के लिए सहर भी तुलू-ए-सहर न थी
फ़स्ल-ए-बहार में तर-ओ-ताज़ा नहीं हवा
शायद शजर को ख़्वाहिश-ए-बर्ग-ओ-समर न थी
टूटी हुई उमीद शिकस्ता थे हौसले
दिल की तबाहियों पे मगर आँख तर न थी
दश्त-ए-तलब में इतने अंधेरे थे कारगर
रख़्शंदा इक किरन भी सर-ए-रहगुज़र न थी
फिर क्यूँ सुना दिया था अदालत ने फ़ैसला
'शाहिद' मिरी गवाही अगर मो'तबर न थी
hālāt par nigāh rutoñ par nazar na thī
jab tak rahe chaman meñ chaman kī ḳhabar na thī
ḳhud apne ghar ko aag dikhā.ī thī aap ne
is meñ to koī sāzish-e-barq-o-sharar na thī
rūdād-e-tīra-baḳhtī-e-ahbāb kyā kaheñ
un ke liye sahar bhī tulū-e-sahar na thī
fasl-e-bahār meñ tar-o-tāza nahīñ havā
shāyad shajar ko ḳhvāhish-e-barg-o-samar na thī
TuuTī huī umiid shikasta the hausle
dil kī tabāhiyoñ pe magar aañkh tar na thī
dasht-e-talab meñ itne añdhere the kārgar
raḳhshanda ik kiran bhī sar-e-rahguzar na thī
phir kyuuñ sunā diyā thā adālat ne faisla
'shāhid' mirī gavāhī agar mo'atabar na thī
حالات پر نگاہ رتوں پر نظر نہ تھی
جب تک رہے چمن میں چمن کی خبر نہ تھی
خود اپنے گھر کو آگ دکھائی تھی آپ نے
اس میں تو کوئی سازش برق و شرر نہ تھی
روداد تیرہ بختیٔ احباب کیا کہیں
ان کے لئے سحر بھی طلوع سحر نہ تھی
فصل بہار میں تر و تازہ نہیں ہوا
شاید شجر کو خواہش برگ و ثمر نہ تھی
ٹوٹی ہوئی امید شکستہ تھے حوصلے
دل کی تباہیوں پہ مگر آنکھ تر نہ تھی
دشت طلب میں اتنے اندھیرے تھے کارگر
رخشندہ اک کرن بھی سر رہ گزر نہ تھی
پھر کیوں سنا دیا تھا عدالت نے فیصلہ
شاہدؔ مری گواہی اگر معتبر نہ تھی