गूँगे लबों पे हर्फ़-ए-तमन्ना किया मुझे
किस कोर-चश्म-शब में सितारा किया मुझे
ज़ख़्म-ए-हुनर को समझे हुए है गुल-ए-हुनर
किस शहर-ए-ना-सिपास में पैदा किया मुझे
जब हर्फ़-ना-शनास यहाँ लफ़्ज़-फ़हम हैं
क्यूँ ज़ौक़-ए-शेर दे के तमाशा किया मुझे
ख़ुशबू है चाँदनी है लब-ए-जू है और मैं
किस बे-पनाह रात में तन्हा किया मुझे
दी तिश्नगी ख़ुदा ने तो चश्मे भी दे दिए
सीने में दश्त आँखों में दरिया किया मुझे
मैं यूँ सँभल गई कि तिरी बेवफ़ाई ने
बे-ए'तिबारियों से शनासा किया मुझे
वो अपनी एक ज़ात में कुल काएनात था
दुनिया के हर फ़रेब से मिलवा दिया मुझे
औरों के साथ मेरा तआ'रुफ़ भी जब हुआ
हाथों में हाथ ले के वो सोचा किया मुझे
बीते दिनों का अक्स न आइंदा का ख़याल
बस ख़ाली ख़ाली आँखों से देखा किया मुझे
gūñge laboñ pe harf-e-tamannā kiyā mujhe
kis kor-chashm-shab meñ sitārā kiyā mujhe
zaḳhm-e-hunar ko samjhe hue hai gul-e-hunar
kis shahr-e-nā-sipās meñ paidā kiyā mujhe
jab harf-nā-shanās yahāñ lafz-fahm haiñ
kyuuñ zauq-e-sher de ke tamāshā kiyā mujhe
ḳhushbū hai chāñdnī hai lab-e-jū hai aur maiñ
kis be-panāh raat meñ tanhā kiyā mujhe
dī tishnagī ḳhudā ne to chashme bhī de diye
siine meñ dasht āñkhoñ meñ dariyā kiyā mujhe
maiñ yuuñ sambhal ga.ī ki tirī bevafā.ī ne
be-e'tibāriyoñ se shanāsā kiyā mujhe
vo apnī ek zaat meñ kul kā.enāt thā
duniyā ke har fareb se milvā diyā mujhe
auroñ ke saath merā ta.āruf bhī jab huā
hāthoñ meñ haath le ke vo sochā kiyā mujhe
biite dinoñ kā aks na ā.inda kā ḳhayāl
bas ḳhālī ḳhālī āñkhoñ se dekhā kiyā mujhe
گونگے لبوں پہ حرف تمنا کیا مجھے
کس کور چشم شب میں ستارا کیا مجھے
زخم ہنر کو سمجھے ہوئے ہے گل ہنر
کس شہر نا سپاس میں پیدا کیا مجھے
جب حرف ناشناس یہاں لفظ فہم ہیں
کیوں ذوق شعر دے کے تماشا کیا مجھے
خوشبو ہے چاندنی ہے لب جو ہے اور میں
کس بے پناہ رات میں تنہا کیا مجھے
دی تشنگی خدا نے تو چشمے بھی دے دیے
سینے میں دشت آنکھوں میں دریا کیا مجھے
میں یوں سنبھل گئی کہ تری بے وفائی نے
بے اعتباریوں سے شناسا کیا مجھے
وہ اپنی ایک ذات میں کل کائنات تھا
دنیا کے ہر فریب سے ملوا دیا مجھے
اوروں کے ساتھ میرا تعارف بھی جب ہوا
ہاتھوں میں ہاتھ لے کے وہ سوچا کیا مجھے
بیتے دنوں کا عکس نہ آئندہ کا خیال
بس خالی خالی آنکھوں سے دیکھا کیا مجھے