ग़ज़लें तो कही हैं कुछ हम ने उन से न कहा अहवाल तो क्या
कल मिस्ल-ए-सितारा उभरेंगे हैं आज अगर पामाल तो क्या
जीने की दुआ देने वाले ये राज़ तुझे मा'लूम नहीं
तख़्लीक़ का इक लम्हा है बहुत बे-कार जिए सौ साल तो क्या
सिक्कों के एवज़ जो बिक जाए वो मेरी नज़र में हुस्न नहीं
ऐ शम-ए-शबिस्तान-ए-दौलत तू है जो परी-तिमसाल तो क्या
हर फूल के लब पर नाम मिरा चर्चा है चमन में आम मिरा
शोहरत की ये दौलत क्या कम है गर पास नहीं है माल तो क्या
हम ने जो किया महसूस कहा जो दर्द मिला हँस हँस के सहा
भूलेगा न मुस्तक़बिल हम को नालाँ है जो हम से हाल तो क्या
हम अहल-ए-मोहब्बत पा लेंगे अपने ही सहारे मंज़िल को
यारान-ए-सियासत ने हर-सू फैलाए हैं रंगीं जाल तो क्या
दुनिया-ए-अदब में ऐ 'जालिब' अपनी भी कोई पहचान तो हो
'इक़बाल' का रंग उड़ाने से तू बन भी गया 'इक़बाल' तो क्या
ġhazleñ to kahī haiñ kuchh ham ne un se na kahā ahvāl to kyā
kal misl-e-sitāra ubhreñge haiñ aaj agar pāmāl to kyā
jiine kī duā dene vaale ye raaz tujhe ma.alūm nahīñ
taḳhlīq kā ik lamha hai bahut be-kār jiye sau saal to kyā
sikkoñ ke evaz jo bik jaa.e vo merī nazar meñ husn nahīñ
ai sham-e-shabistān-e-daulat tū hai jo parī-timsāl to kyā
har phuul ke lab par naam mirā charchā hai chaman meñ aam mirā
shohrat kī ye daulat kyā kam hai gar paas nahīñ hai maal to kyā
ham ne jo kiyā mahsūs kahā jo dard milā hañs hañs ke sahā
bhūlegā na mustaqbil ham ko nālāñ hai jo ham se haal to kyā
ham ahl-e-mohabbat pā leñge apne hī sahāre manzil ko
yārān-e-siyāsat ne har-sū phailā.e haiñ rañgīñ jaal to kyā
duniyā-e-adab meñ ai 'jālib' apnī bhī koī pahchān to ho
'iqbāl' kā rañg uḌāne se tū ban bhī gayā 'iqbāl' to kyā
غزلیں تو کہی ہیں کچھ ہم نے ان سے نہ کہا احوال تو کیا
کل مثل ستارہ ابھریں گے ہیں آج اگر پامال تو کیا
جینے کی دعا دینے والے یہ راز تجھے معلوم نہیں
تخلیق کا اک لمحہ ہے بہت بیکار جئے سو سال تو کیا
سکوں کے عوض جو بک جائے وہ میری نظر میں حسن نہیں
اے شمع شبستان دولت تو ہے جو پری تمثال تو کیا
ہر پھول کے لب پر نام مرا چرچا ہے چمن میں عام مرا
شہرت کی یہ دولت کیا کم ہے گر پاس نہیں ہے مال تو کیا
ہم نے جو کیا محسوس کہا جو درد ملا ہنس ہنس کے سہا
بھولے گا نہ مستقبل ہم کو نالاں ہے جو ہم سے حال تو کیا
ہم اہل محبت پا لیں گے اپنے ہی سہارے منزل کو
یاران سیاست نے ہر سو پھیلائے ہیں رنگیں جال تو کیا
دنیائے ادب میں اے جالبؔ اپنی بھی کوئی پہچان تو ہو
اقبالؔ کا رنگ اڑانے سے تو بن بھی گیا اقبالؔ تو کیا