गर्दिश-ए-वक़्त का मंज़र नहीं देखा जाता
यार के हाथ में ख़ंजर नहीं देखा जाता
कोई रुख़्सत करे और आँख में आँसू भी न हों
ऐसे लम्हात में मुड़ कर नहीं देखा जाता
ये रिवायत मिरे पुरखों से चली आई है
'इश्क़ में यार को छू कर नहीं देखा जाता
ऐ ख़ुदा शहर के हाकिम को हिदायत दे दे
चार-सू 'अर्सा-ए-महशर नहीं देखा जाता
हम कि दम तोड़ती क़द्रों के अमीं हैं हम से
बिंत-ए-हव्वा का खुला सर नहीं देखा जाता
हाए उस हुस्न-ए-बला-ख़ेज़ की तासीर 'उमैर'
देर तक उस को बराबर नहीं देखा जाता
gardish-e-vaqt kā manzar nahīñ dekhā jaatā
yaar ke haath meñ ḳhanjar nahīñ dekhā jaatā
koī ruḳhsat kare aur aañkh meñ aañsū bhī na hoñ
aise lamhāt meñ muḌ kar nahīñ dekhā jaatā
ye rivāyat mire purkhoñ se chalī aa.ī hai
'ishq meñ yaar ko chhū kar nahīñ dekhā jaatā
ai ḳhudā shahr ke hākim ko hidāyat de de
chār-sū 'arsa-e-mahshar nahīñ dekhā jaatā
ham ki dam toḌtī qadroñ ke amiiñ haiñ ham se
bint-e-havvā kā khulā sar nahīñ dekhā jaatā
haa.e us husn-e-balā-ḳhez kī tāsīr 'umair'
der tak us ko barābar nahīñ dekhā jaatā
گردش وقت کا منظر نہیں دیکھا جاتا
یار کے ہاتھ میں خنجر نہیں دیکھا جاتا
کوئی رخصت کرے اور آنکھ میں آنسو بھی نہ ہوں
ایسے لمحات میں مڑ کر نہیں دیکھا جاتا
یہ روایت مرے پرکھوں سے چلی آئی ہے
عشق میں یار کو چھو کر نہیں دیکھا جاتا
اے خدا شہر کے حاکم کو ہدایت دے دے
چار سو عرصۂ محشر نہیں دیکھا جاتا
ہم کہ دم توڑتی قدروں کے امیں ہیں ہم سے
بنت حوا کا کھلا سر نہیں دیکھا جاتا
ہائے اس حسن بلا خیز کی تاثیر عمیرؔ
دیر تک اس کو برابر نہیں دیکھا جاتا