ग़म-ए-दिल ही ग़म-ए-दौराँ ग़म-ए-जानाना बनता है
यही ग़म शेर बनता है यही अफ़्साना बनता है
इसी से गर्मी-ए-दार-ओ-रसन है इंक़िलाबों में
बहारों में यही ज़ुल्फ़-ओ-क़द-ए-जानाना बनता है
सरों के ख़ुम सुराही गर्दनों की जाम ज़ख़्मों के
मुहय्या जब ये हो लेते हैं तब मय-ख़ाना बनता है
बिगड़ता क्या है परवाने का जल कर ख़ाक होने में
कि फिर परवाने ही की ख़ाक से परवाना बनता है
निगाह-ए-कम से मेरी चाक-दामानी को मत देखो
हज़ारों होशयारों में कोई दीवाना बनता है
ख़रीदा जा नहीं सकता है साक़ी ज़र्फ़ रिंदों का
बहुत शीशे पिघलते हैं तो इक पैमाना बनता है
मिरे ही दोनों हाथ आते हैं काम उन के सँवरने में
दिखाता है कोई आईना कोई शाना बनता है
बड़ा सरमाया है सब कुछ लुटा देना मोहब्बत में
फ़क़ीराना लिबास आते हैं दिल शाहाना बनता है
ġham-e-dil hī ġham-e-daurāñ ġham-e-jānāna bantā hai
yahī ġham sher bantā hai yahī afsāna bantā hai
isī se garmī-e-dār-o-rasan hai inqilāboñ meñ
bahāroñ meñ yahī zulf-o-qad-e-jānāna bantā hai
saroñ ke ḳhum surāhī gardanoñ kī jaam zaḳhmoñ ke
muhayyā jab ye ho lete haiñ tab mai-ḳhāna bantā hai
bigaḌtā kyā hai parvāne kā jal kar ḳhaak hone meñ
ki phir parvāne hī kī ḳhaak se parvāna bantā hai
nigāh-e-kam se merī chāk-dāmānī ko mat dekho
hazāroñ hoshyāroñ meñ koī dīvāna bantā hai
ḳharīdā jā nahīñ saktā hai saaqī zarf rindoñ kā
bahut shīshe pighalte haiñ to ik paimāna bantā hai
mire hī donoñ haath aate haiñ kaam un ke sañvarne meñ
dikhātā hai koī ā.īna koī shāna bantā hai
baḌā sarmāya hai sab kuchh luTā denā mohabbat meñ
faqīrāna libās aate haiñ dil shāhāna bantā hai
غم دل ہی غم دوراں غم جانانہ بنتا ہے
یہی غم شعر بنتا ہے یہی افسانہ بنتا ہے
اسی سے گرمیٔ دار و رسن ہے انقلابوں میں
بہاروں میں یہی زلف و قد جانانہ بنتا ہے
سروں کے خم صراحی گردنوں کی جام زخموں کے
مہیا جب یہ ہو لیتے ہیں تب مے خانہ بنتا ہے
بگڑتا کیا ہے پروانے کا جل کر خاک ہونے میں
کہ پھر پروانے ہی کی خاک سے پروانہ بنتا ہے
نگاہ کم سے میری چاک دامانی کو مت دیکھو
ہزاروں ہوشیاروں میں کوئی دیوانہ بنتا ہے
خریدا جا نہیں سکتا ہے ساقی ظرف رندوں کا
بہت شیشے پگھلتے ہیں تو اک پیمانہ بنتا ہے
مرے ہی دونوں ہاتھ آتے ہیں کام ان کے سنورنے میں
دکھاتا ہے کوئی آئینہ کوئی شانہ بنتا ہے
بڑا سرمایہ ہے سب کچھ لٹا دینا محبت میں
فقیرانہ لباس آتے ہیں دل شاہانہ بنتا ہے