ग़ैरों से दाद-ए-जौर-ओ-जफ़ा ली गई तो क्या
घर को जला के ख़ाक उड़ा दी गई तो क्या
गारत-गरी-ए-शहर में शामिल है कौन कौन
ये बात अहल-ए-शहर पे खुल भी गई तो क्या
इक ख़्वाब ही तो था जो फ़रामोश हो गया
इक याद ही तो थी जो भुला दी गई तो क्या
मीसाक़-ए-ऐतबार में थी इक वफ़ा की शर्त
इक शर्त ही तो थी जो उठा दी गई तो क्या
क़ानून-ए-बाग़-बानी-ए-सहरा की सरनविश्त
लिक्खी गई तो क्या जो न लिक्खी गई तो क्या
इस क़हत-ओ-इंहदाम-ए-रिवायत के अहद में
तालीफ़ नुस्ख़ा-हा-ए-वफ़ा की गई तो क्या
जब 'मीर' ओ 'मीरज़ा' के सुख़न राएगाँ गए
इक बे-हुनर की बात न समझी गई तो क्या
ġhairoñ se dād-e-jaur-o-jafā lī ga.ī to kyā
ghar ko jalā ke ḳhaak uḌā dī ga.ī to kyā
ġhārat-garī-e-shahr meñ shāmil hai kaun kaun
ye baat ahl-e-shahr pe khul bhī ga.ī to kyā
ik ḳhvāb hī to thā jo farāmosh ho gayā
ik yaad hī to thī jo bhulā dī ga.ī to kyā
mīsāq-e-aitabār meñ thī ik vafā kī shart
ik shart hī to thī jo uThā dī ga.ī to kyā
qānūn-e-bāġh-bāni-e-sahra kī sarnavisht
likkhī ga.ī to kyā jo na likkhī ga.ī to kyā
is qahat-o-inhedām-e-rivāyat ke ahd meñ
tālīf nusḳha-hā-e-vafā kī ga.ī to kyā
jab 'mīr' o 'mīrzā' ke suḳhan rā.egāñ ga.e
ik be-hunar kī baat na samjhī ga.ī to kyā
غیروں سے داد جور و جفا لی گئی تو کیا
گھر کو جلا کے خاک اڑا دی گئی تو کیا
غارت گریٔ شہر میں شامل ہے کون کون
یہ بات اہل شہر پہ کھل بھی گئی تو کیا
اک خواب ہی تو تھا جو فراموش ہو گیا
اک یاد ہی تو تھی جو بھلا دی گئی تو کیا
میثاق اعتبار میں تھی اک وفا کی شرط
اک شرط ہی تو تھی جو اٹھا دی گئی تو کیا
قانون باغبانیٔ صحرا کی سر نوشت
لکھی گئی تو کیا جو نہ لکھی گئی تو کیا
اس قحط و انہدام روایت کے عہد میں
تالیف نسخہ ہائے وفا کی گئی تو کیا
جب میرؔ و میرزاؔ کے سخن رائیگاں گئے
اک بے ہنر کی بات نہ سمجھی گئی تو کیا