ग़ाफ़िल हूँ तिरी याद से ऐसा तो नहीं है
हर-वक़्त मिरे दिल में तिरी याद मकीं है
दुनिया-ए-मोहब्बत बड़ी दिलकश है हसीं है
हर एक को रास आए ज़रूरी तो नहीं है
माना कि ज़माने का हर इक नक़्श हसीं है
इस पर भी ज़माने में कोई तुझ सा नहीं है
इक अर्ज़-ए-तमन्ना के सिवा हम ने किया क्या
किस बात पे वो शो'ला-बदन चीं-ब-जबीं है
क्या ख़ाक हो मेरे दिल-ए-बेताब का दरमाँ
जब तुझ पे तिरी चश्म-ए-तवज्जोह ही नहीं है
दिल में है मगर जज़्बा-ए-इख़्लास-ओ-मोहब्बत
वो ख़ुद ही खिंचे आएँगे ये मेरा यक़ीं है
क्या कहिए मोहब्बत में अजब हाल है अपना
नज़रें हैं कहीं और तो दिल और कहीं है
रह रह के खटकता है जो हर साँस में पैहम
सीने में कोई ख़ार है या क़ल्ब-ए-हज़ीं है
इक़रार-ए-वफ़ा कर भी चुकीं तेरी निगाहें
अफ़्सोस तिरे लब पे मगर फिर भी नहीं है
इस बुत का कोई अहद भी ईफ़ा नहीं होता
क्या इस का यक़ीं जिस का न ईमाँ है न दीं है
क्या तुरफ़ा-क़यामत है मिरी वज्ह-ए-तबाही
वो पूछते हैं और मुझे याद नहीं है
शर्मिंदा-ए-एहसाँ मैं नहीं राह-नुमा का
'आसी' मिरा रहबर तो मिरा अज़्म-ओ-यक़ीं है
ġhāfil huuñ tirī yaad se aisā to nahīñ hai
har-vaqt mire dil meñ tirī yaad makīñ hai
duniyā-e-mohabbat baḌī dilkash hai hasīñ hai
har ek ko raas aa.e zarūrī to nahīñ hai
maanā ki zamāne kā har ik naqsh hasīñ hai
is par bhī zamāne meñ koī tujh sā nahīñ hai
ik arz-e-tamannā ke sivā ham ne kiyā kyā
kis baat pe vo sho.ala-badan chīñ-ba-jabīñ hai
kyā ḳhaak ho mere dil-e-betāb kā darmāñ
jab tujh pe tirī chashm-e-tavajjoh hī nahīñ hai
dil meñ hai magar jazba-e-iḳhlās-o-mohabbat
vo ḳhud hī khiñche ā.eñge ye merā yaqīñ hai
kyā kahiye mohabbat meñ ajab haal hai apnā
nazreñ haiñ kahīñ aur to dil aur kahīñ hai
rah rah ke khaTaktā hai jo har saañs meñ paiham
siine meñ koī ḳhaar hai yā qalb-e-hazīñ hai
iqrār-e-vafā kar bhī chukīñ terī nigāheñ
afsos tire lab pe magar phir bhī nahīñ hai
is but kā koī ahd bhī iifā nahīñ hotā
kyā is kā yaqīñ jis kā na īmāñ hai na diiñ hai
kyā turfa-qayāmat hai mirī vaj.h-e-tabāhī
vo pūchhte haiñ aur mujhe yaad nahīñ hai
sharminda-e-ehsāñ maiñ nahīñ rāh-numā kā
'āsī' mirā rahbar to mirā azm-o-yaqīñ hai
غافل ہوں تری یاد سے ایسا تو نہیں ہے
ہر وقت مرے دل میں تری یاد مکیں ہے
دنیائے محبت بڑی دل کش ہے حسیں ہے
ہر ایک کو راس آئے ضروری تو نہیں ہے
مانا کہ زمانے کا ہر اک نقش حسیں ہے
اس پر بھی زمانے میں کوئی تجھ سا نہیں ہے
اک عرض تمنا کے سوا ہم نے کیا کیا
کس بات پہ وہ شعلہ بدن چیں بہ جبیں ہے
کیا خاک ہو میرے دل بیتاب کا درماں
جب تجھ پہ تری چشم توجہ ہی نہیں ہے
دل میں ہے مگر جذبۂ اخلاص و محبت
وہ خود ہی کھنچے آئیں گے یہ میرا یقیں ہے
کیا کہئے محبت میں عجب حال ہے اپنا
نظریں ہیں کہیں اور تو دل اور کہیں ہے
رہ رہ کے کھٹکتا ہے جو ہر سانس میں پیہم
سینے میں کوئی خار ہے یا قلب حزیں ہے
اقرار وفا کر بھی چکیں تیری نگاہیں
افسوس ترے لب پہ مگر پھر بھی نہیں ہے
اس بت کا کوئی عہد بھی ایفا نہیں ہوتا
کیا اس کا یقیں جس کا نہ ایماں ہے نہ دیں ہے
کیا طرفہ قیامت ہے مری وجہ تباہی
وہ پوچھتے ہیں اور مجھے یاد نہیں ہے
شرمندۂ احساں میں نہیں راہنما کا
عاصیؔ مرا رہبر تو مرا عزم و یقیں ہے