फ़रियाद भी मैं कर न सका बे-ख़बरी से
दिल खींच लिया उस ने कमंद-ए-नज़री से
उस बुत को किया राम न सोज़-ए-जिगरी से
नाले मिरे बदनाम हुए बे-असरी से
कब दिल पे असर करता है ज़ालिम का तमल्लुक़
मिलते हैं कहीं ज़ख़्म-ए-जिगर बख़िया-गरी से
है साया-फ़गन ताज़ा निहाल-ए-चमन-ए-हुस्न
निस्बत मिरे दिल को है अक़ीक़-ए-शजरी से
उड़ जाते तेरे होश मिरे नग़्मों से बुलबुल
कर शुक्र कि मजबूर हूँ बे-बाल-ओ-परी से
हर लुत्फ़ से ख़ाली है फ़रोग़-ए-दम-ए-पीरी
रौशन हुआ ये नूर चराग़-ए-सहरी से
दामन की कली बाद-ए-सबा खोल सके कब
सातिर नहीं डरते हैं कभी पर्दा-दरी से
उल्फ़त का शजर सर्व-क़दों की है हरी शाख़
'उश्शाक़ को बावर हुआ ये बे-समरी से
कहते हैं वो सुन कर ख़बर-ए-रेहलत-ए-उश्शाक़
जल्दी गया कहना था हमें कुछ सफ़री से
हों लाख ख़तर कूचा-ए-दिलबर न छुटेगा
उठ सकती है ज़िल्लत भी कहीं मर्द-ए-जरी से
नफ़रत नहीं लाज़िम तुझे ज़ालिम एवज़-ए-रहम
बैठा हूँ मैं दिल खो के तिरी हीला-गरी से
'आमिल करें इक बार अगर बंद तो मय-कश
ख़ाली करें सौ मर्तबा शीशे को परी से
कर देते हैं यूँ हर्ज़ा-दरा को कुमला-बंद
लब ज़ख़्म के जिस तरह मिलें बख़िया-गरी से
अग़्यार हुए कब मिरी नाकामी का बा'इस
महरूमियाँ पैदा हुईं आशुफ़्ता-सरी से
कर ग़ैर को अपना कि मुरादों का निशाँ दे
बेकार वो पैकाँ है जुदा हो जो सरी से
आमाल-ए-'हबीब'-ए-जिगर-अफ़गार की कश्ती
साहिल पे पहुँच जाएगी अश्कों की तरी से
fariyād bhī maiñ kar na sakā be-ḳhabarī se
dil khīñch liyā us ne kamand-e-nazarī se
us but ko kiyā raam na soz-e-jigarī se
naale mire badnām hue be-asarī se
kab dil pe asar kartā hai zālim kā tamalluq
milte haiñ kahīñ zaḳhm-e-jigar baḳhiya-garī se
hai sāya-fagan taaza nihāl-e-chaman-e-husn
nisbat mire dil ko hai aqīq-e-shajrī se
uḌ jaate tere hosh mire naġhmoñ se bulbul
kar shukr ki majbūr huuñ be-bāl-o-parī se
har lutf se ḳhālī hai faroġh-e-dam-e-pīrī
raushan huā ye nuur charāġh-e-saharī se
dāman kī kalī bād-e-sabā khol sake kab
sātir nahīñ Darte haiñ kabhī parda-darī se
ulfat kā shajar sarv-qadoñ kī hai harī shāḳh
'ushshāq ko bāvar huā ye be-samarī se
kahte haiñ vo sun kar ḳhabar-e-rehlat-e-ushshāq
jaldī gayā kahnā thā hameñ kuchh safarī se
hoñ laakh ḳhatar kūcha-e-dilbar na chhuTegā
uTh saktī hai zillat bhī kahīñ mard-e-jarī se
nafrat nahīñ lāzim tujhe zālim evaz-e-rahm
baiThā huuñ maiñ dil kho ke tirī hīla-garī se
'āmil kareñ ik baar agar band to mai-kash
ḳhālī kareñ sau martaba shīshe ko parī se
kar dete haiñ yuuñ harza-darā ko kumalā-band
lab zaḳhm ke jis tarah mileñ baḳhiya-garī se
aġhyār hue kab mirī nākāmī kā bā'is
mahrūmiyāñ paidā huiiñ āshufta-sarī se
kar ġhair ko apnā ki murādoñ kā nishāñ de
bekār vo paikāñ hai judā ho jo sarī se
a.amāl-e-'habīb'-e-jigar-afgār kī kashtī
sāhil pe pahuñch jā.egī ashkoñ kī tarī se
فریاد بھی میں کر نہ سکا بے خبری سے
دل کھینچ لیا اس نے کمند نظری سے
اس بت کو کیا رام نہ سوز جگری سے
نالے مرے بدنام ہوئے بے اثری سے
کب دل پہ اثر کرتا ہے ظالم کا تملق
ملتے ہیں کہیں زخم جگر بخیہ گری سے
ہے سایہ فگن تازہ نہال چمن حسن
نسبت مرے دل کو ہے عقیق شجری سے
اڑ جاتے تیرے ہوش مرے نغموں سے بلبل
کر شکر کہ مجبور ہوں بے بال و پری سے
ہر لطف سے خالی ہے فروغ دم پیری
روشن ہوا یہ نور چراغ سحری سے
دامن کی کلی باد صبا کھول سکے کب
ساتر نہیں ڈرتے ہیں کبھی پردہ دری سے
الفت کا شجر سرو قدوں کی ہے ہری شاخ
عشاق کو باور ہوا یہ بے ثمری سے
کہتے ہیں وہ سن کر خبر رحلت عشاق
جلدی گیا کہنا تھا ہمیں کچھ سفری سے
ہوں لاکھ خطر کوچۂ دلبر نہ چھٹے گا
اٹھ سکتی ہے ذلت بھی کہیں مرد جری سے
نفرت نہیں لازم تجھے ظالم عوض رحم
بیٹھا ہوں میں دل کھو کے تری حیلہ گری سے
عامل کریں اک بار اگر بند تو میکش
خالی کریں سو مرتبہ شیشہ کو پری سے
کر دیتے ہیں یوں ہرزہ درا کو کملا بند
لب زخم کے جس طرح ملیں بخیہ گری سے
اغیار ہوے کب مری ناکامی کا باعث
محرومیاں پیدا ہوئیں آشفتہ سری سے
کر غیر کو اپنا کہ مرادوں کا نشاں دے
بے کار وہ پیکاں ہے جدا ہو جو سری سے
اعمال حبیبؔ جگر افگار کی کشتی
ساحل پہ پہنچ جائے گی اشکوں کی تری سے