फ़लक की गर्दिशें ऐसी नहीं जिन में क़दम ठहरे
सकूँ दुश्वार है क्यूँकर तबी'अत कोई दम ठहरे
क़ज़ा ने दोस्तों से देखिए आख़िर किया नादिम
किए थे 'अहद-ओ-पैमाँ जिस क़दर वो कुल 'अदम ठहरे
छुआ तू ने जिसे मारा उसे ऐ अफ़ई-ए-गेसू
ये सब तिरयाक़ मेरे तजरबा करने में सम ठहरे
किया जब ग़ौर कोसों दूर निकली मंज़िल-ए-मक़्सद
कभी गर पा-ए-शल उट्ठे तो चल कर दो क़दम ठहरे
लगा कर दिल जुदा होना न थी शर्त-ए-वफ़ा साहब
ग़म-ए-फ़ुर्क़त की शिद्दत से करम जौर-ओ-सितम ठहरे
जो कुछ देखा वो आईना था आने वाली हालत का
जहाँ देखा यही आँखों के कांसे जाम-ए-जम ठहरे
'अमल कहने पे अपने हज़रत-ए-वा'इज़ करें पहले
गुनह के मो'तरिफ़ जब हैं तो वो कब मोहतरम ठहरे
जवानी की सियह-मस्ती में वस्फ़-ए-ज़ुल्फ़ लिक्खा था
बढ़ा वो सिलसिला ऐसा कि हम मुश्कीं क़लम ठहरे
ये साबित है कि मुतलक़ का तअ'य्युन हो नहीं सकता
वो सालिक ही नहीं जो चल के ता-दैर-ओ-हरम ठहरे
बशर को क़ैद-ए-कुल्फ़त माया-ए-अंदोह-ओ-आफ़त है
रहे अच्छे जो इस मेहमाँ-सरा में आ के कम ठहरे
'हबीब'-ए-ना-तवाँ से राह-ए-उल्फ़त तय नहीं होती
'अजब क्या गर ये रस्ता जादा-ए-मुल्क-ए-अदम ठहरे
falak kī gardisheñ aisī nahīñ jin meñ qadam Thahre
sakūñ dushvār hai kyūñkar tabī'at koī dam Thahre
qazā ne dostoñ se dekhiye āḳhir kiyā nādim
kiye the 'ahd-o-paimāñ jis qadar vo kul 'adam Thahre
chhuā tū ne jise maarā use ai afa.ī-e-gesū
ye sab tiryāq mere tajraba karne meñ sam Thahre
kiyā jab ġhaur kosoñ duur niklī manzil-e-maqsad
kabhī gar pā-e-shal uTThe to chal kar do qadam Thahre
lagā kar dil judā honā na thī shart-e-vafā sāhab
ġham-e-furqat kī shiddat se karam jaur-o-sitam Thahre
jo kuchh dekhā vo ā.īna thā aane vaalī hālat kā
jahāñ dekhā yahī āñkhoñ ke kāñse jām-e-jam Thahre
'amal kahne pe apne hazrat-e-vā'iz kareñ pahle
gunah ke mo'tarif jab haiñ to vo kab mohtaram Thahre
javānī kī siyah-mastī meñ vasf-e-zulf likkhā thā
baḌhā vo silsila aisā ki ham mushkīñ qalam Thahre
ye sābit hai ki mutlaq kā ta.ayyun ho nahīñ saktā
vo sālik hī nahīñ jo chal ke tā-dair-o-haram Thahre
bashar ko qaid-e-kulfat māya-e-andoh-o-āfat hai
rahe achchhe jo is mehmāñ-sarā meñ aa ke kam Thahre
'habīb'-e-nā-tavāñ se rāh-e-ulfat tai nahīñ hotī
'ajab kyā gar ye rasta jāda-e-mulk-e-adam Thahre
فلک کی گردشیں ایسی نہیں جن میں قدم ٹھہرے
سکوں دشوار ہے کیوں کر طبیعت کوئی دم ٹھہرے
قضا نے دوستوں سے دیکھیے آخر کیا نادم
کئے تھے عہد و پیماں جس قدر وہ کل عدم ٹھہرے
چھوا تو نے جسے مارا اسے اے افعئ گیسو
یہ سب تریاق میرے تجربہ کرنے میں سم ٹھہرے
کیا جب غور کوسوں دور نکلی منزل مقصد
کبھی گر پائے شل اٹھے تو چل کر دو قدم ٹھہرے
لگا کر دل جدا ہونا نہ تھی شرط وفا صاحب
غم فرقت کی شدت سے کرم جور و ستم ٹھہرے
جو کچھ دیکھا وہ آئینہ تھا آنے والی حالت کا
جہاں دیکھا یہی آنکھوں کے کانسے جام جم ٹھہرے
عمل کہنے پہ اپنے حضرت واعظ کریں پہلے
گنہ کے معترف جب ہیں تو وہ کب محترم ٹھہرے
جوانی کی سیہ مستی میں وصف زلف لکھا تھا
بڑھا وہ سلسلہ ایسا کہ ہم مشکیں قلم ٹھہرے
یہ ثابت ہے کہ مطلق کا تعین ہو نہیں سکتا
وہ سالک ہی نہیں جو چل کے تا دیر و حرم ٹھہرے
بشر کو قید کلفت مایۂ اندوہ و آفت ہے
رہے اچھے جو اس مہماں سرا میں آ کے کم ٹھہرے
حبیبؔ ناتواں سے راہ الفت طے نہیں ہوتی
عجب کیا گر یہ رستہ جادۂ ملک عدم ٹھہرے