एक तो इश्क़ की तक़्सीर किए जाता हूँ
उस पे मैं पैरवी-ए-'मीर' किए जाता हूँ
मा'ज़रत घर के चराग़ों से करूँगा कैसे
मैं जो ताख़ीर पे ताख़ीर किए जाता हूँ
या'नी तस्वीर-ए-ज़माँ पर है तसर्रुफ़ इतना
देखता जाता हूँ तहरीर किए जाता हूँ
बाग़बाँ तुझ से तो मैं दाद-तलब हूँ भी नहीं
पेड़ सुनते हैं मैं तक़रीर किए जाता हूँ
ये इलाक़ा न हो दरिया की अमल-दारी में
मैं जहाँ नाव को ज़ंजीर किए जाता हूँ
आख़िरश ख़ाक उड़ा कर सर-ए-राहे दिल की
एक दुनिया को मैं दिल-गीर किए जाता हूँ
उस की बुनियाद में इक ख़ाम-ए-ख़याली है 'नईम'
शहर जो ख़्वाब में ता'मीर किए जाता हूँ
ek to ishq kī taqsīr kiye jaatā huuñ
us pe maiñ pairvī-e-'mīr' kiye jaatā huuñ
ma.azarat ghar ke charāġhoñ se karūñgā kaise
maiñ jo tāḳhīr pe tāḳhīr kiye jaatā huuñ
ya.anī tasvīr-e-zamāñ par hai tasarruf itnā
dekhtā jaatā huuñ tahrīr kiye jaatā huuñ
bāġhbāñ tujh se to maiñ dād-talab huuñ bhī nahīñ
peḌ sunte haiñ maiñ taqrīr kiye jaatā huuñ
ye ilāqa na ho dariyā kī amal-dārī meñ
maiñ jahāñ naav ko zanjīr kiye jaatā huuñ
āḳhirash ḳhaak uḌā kar sar-e-rāhe dil kī
ek duniyā ko maiñ dil-gīr kiye jaatā huuñ
us kī buniyād meñ ik ḳhām-e-ḳhayālī hai 'na.īm'
shahr jo ḳhvāb meñ ta.amīr kiye jaatā huuñ
ایک تو عشق کی تقصیر کئے جاتا ہوں
اس پہ میں پیروی میرؔ کئے جاتا ہوں
معذرت گھر کے چراغوں سے کروں گا کیسے
میں جو تاخیر پہ تاخیر کئے جاتا ہوں
یعنی تصویر زماں پر ہے تصرف اتنا
دیکھتا جاتا ہوں تحریر کئے جاتا ہوں
باغباں تجھ سے تو میں داد طلب ہوں بھی نہیں
پیڑ سنتے ہیں میں تقریر کئے جاتا ہوں
یہ علاقہ نہ ہو دریا کی عمل داری میں
میں جہاں ناؤ کو زنجیر کئے جاتا ہوں
آخرش خاک اڑا کر سر راہے دل کی
ایک دنیا کو میں دلگیر کئے جاتا ہوں
اس کی بنیاد میں اک خام خیالی ہے نعیمؔ
شہر جو خواب میں تعمیر کئے جاتا ہوں