एक मैं भी हूँ कुलह-दारों के बीच
'मीर' साहब के परस्तारों के बीच
रौशनी आधी इधर आधी उधर
इक दिया रक्खा है दीवारों के बीच
मैं अकेली आँख था क्या देखता
आईना-ख़ाने थे नज़्ज़ारों के बीच
है यक़ीं मुझ को कि सय्यारे पे हूँ
आदमी रहते हैं सय्यारों के बीच
खा गया इंसाँ को आशोब-ए-मआश
आ गए हैं शहर बाज़ारों के बीच
मैं फ़क़ीर इब्न-ए-फ़क़ीर इब्न-ए-फ़क़ीर
और अस्कंदर हूँ सरदारोँ के बीच
अपनी वीरानी के गौहर रोलता
रक़्स में हूँ और बाज़ारों के बीच
कोई उस काफ़िर को उस लम्हे सुने
गुफ़्तुगू करता है जब यारों के बीच
अहल-ए-दिल के दरमियाँ थे 'मीर' तुम
अब सुख़न है शोबदा-कारों के बीच
आँख वाले को नज़र आए 'अलीम'
इक मोहम्मद-मुस्तफ़ा सारों के बीच
ek maiñ bhī huuñ kulah-dāroñ ke biich
'mīr' sāhab ke parastāroñ ke biich
raushnī aadhī idhar aadhī udhar
ik diyā rakkhā hai dīvāroñ ke biich
maiñ akelī aañkh thā kyā dekhtā
ā.īna-ḳhāne the nazzāroñ ke biich
hai yaqīñ mujh ko ki sayyāre pe huuñ
aadmī rahte haiñ sayyāroñ ke biich
khā gayā insāñ ko āshob-e-ma.āsh
aa ga.e haiñ shahr bāzāroñ ke biich
maiñ faqīr ibn-e-faqīr ibn-e-faqīr
aur askandar huuñ sardāroñ ke biich
apnī vīrānī ke gauhar roltā
raqs meñ huuñ aur bāzāroñ ke biich
koī us kāfir ko us lamhe sune
guftugū kartā hai jab yāroñ ke biich
ahl-e-dil ke darmiyāñ the 'mīr' tum
ab suḳhan hai sho.abada-kāroñ ke biich
aañkh vaale ko nazar aa.e 'alīm'
ik mohammad-mustafā sāroñ ke biich
ایک میں بھی ہوں کلہ داروں کے بیچ
میرؔ صاحب کے پرستاروں کے بیچ
روشنی آدھی ادھر آدھی ادھر
اک دیا رکھا ہے دیواروں کے بیچ
میں اکیلی آنکھ تھا کیا دیکھتا
آئینہ خانہ تھے نظاروں کے بیچ
ہے یقیں مجھ کو کہ سیارے پہ ہوں
آدمی رہتے ہیں سیاروں کے بیچ
کھا گیا انساں کو آشوب معاش
آ گئے ہیں شہر بازاروں کے بیچ
میں فقیر ابن فقیر ابن فقیر
اور اسکندر ہوں سرداروں کے بیچ
اپنی ویرانی کے گوہر رولتا
رقص میں ہوں اور بازاروں کے بیچ
کوئی اس کافر کو اس لمحے سنے
گفتگو کرتا ہے جب یاروں کے بیچ
اہل دل کے درمیاں تھے میرؔ تم
اب سخن ہے شعبدہ کاروں کے بیچ
آنکھ والے کو نظر آئے علیمؔ
اک محمد مصطفی ساروں کے بیچ