दुश्मन मिरे पीछे है तो दरिया मिरे आगे
अब कोई बचा ही नहीं रस्ता मिरे आगे
तौहीन न कर तू मिरी ग़ुर्बत की सर-ए-आम
मत फेंक हिक़ारत से ये सिक्का मिरे आगे
मैं सच का तरफ़-दार था वो झूट का हामी
ता-देर भला कैसे ठहरता मिरे आगे
घेरे हैं अभी मुझ को ज़माने के मसाइल
मत छेड़ अभी इश्क़ का क़िस्सा मिरे आगे
एहसान किया जिस पे उसी ने मुझे लूटा
लो आ गया नेकी का नतीजा मिरे आगे
ऐ वक़्त के मुंसिफ़ ये तुझे ज़ेब नहीं है
मत पढ़ किसी ज़ालिम का क़सीदा मिरे आगे
दुनिया-ए-मोहब्बत का मैं दरवेश हूँ यारो
इक रोज़ झुकेगा ये ज़माना मिरे आगे
तस्लीम करूँ कैसे भला उस की बड़ाई
'ताबिश' तो हुआ है अभी पैदा मिरे आगे
dushman mire pīchhe hai to dariyā mire aage
ab koī bachā hī nahīñ rasta mire aage
tauhīn na kar tū mirī ġhurbat kī sar-e-ām
mat pheñk hiqārat se ye sikka mire aage
maiñ sach kā taraf-dār thā vo jhuuT kā haamī
tā-der bhalā kaise Thahartā mire aage
ghere haiñ abhī mujh ko zamāne ke masā.il
mat chheḌ abhī ishq kā qissa mire aage
ehsān kiyā jis pe usī ne mujhe luuTā
lo aa gayā nekī kā natīja mire aage
ai vaqt ke munsif ye tujhe zeb nahīñ hai
mat paḌh kisī zālim kā qasīda mire aage
duniyā-e-mohabbat kā maiñ darvesh huuñ yaaro
ik roz jhukegā ye zamāna mire aage
taslīm karūñ kaise bhalā us kī baḌā.ī
'tābish' to huā hai abhī paidā mire aage
دشمن مرے پیچھے ہے تو دریا مرے آگے
اب کوئی بچا ہی نہیں رستہ مرے آگے
توہین نہ کر تو مری غربت کی سر عام
مت پھینک حقارت سے یہ سکہ مرے آگے
میں سچ کا طرف دار تھا وہ جھوٹ کا حامی
تا دیر بھلا کیسے ٹھہرتا مرے آگے
گھیرے ہیں ابھی مجھ کو زمانے کے مسائل
مت چھیڑ ابھی عشق کا قصہ مرے آگے
احسان کیا جس پہ اسی نے مجھے لوٹا
لو آ گیا نیکی کا نتیجہ مرے آگے
اے وقت کے منصف یہ تجھے زیب نہیں ہے
مت پڑھ کسی ظالم کا قصیدہ مرے آگے
دنیائے محبت کا میں درویش ہوں یارو
اک روز جھکے گا یہ زمانہ مرے آگے
تسلیم کروں کیسے بھلا اس کی بڑائی
تابشؔ تو ہوا ہے ابھی پیدا مرے آگے