दुखे हुए हैं हमें और अब दुखाओ मत
जो हो गए हो फ़साना तो याद आओ मत
ख़याल-ओ-ख़्वाब में परछाइयाँ सी नाचती हैं
अब इस तरह तो मिरी रूह में समाओ मत
ज़मीं के लोग तो क्या दो दिलों की चाहत में
ख़ुदा भी हो तो उसे दरमियान लाओ मत
तुम्हारा सर नहीं तिफ़्लान-ए-रह-गुज़र के लिए
दयार-ए-संग में घर से निकल के जाओ मत
सिवाए अपने किसी के भी हो नहीं सकते
हम और लोग हैं लोगो हमें सताओ मत
हमारे अहद में ये रस्म-ए-आशिक़ी ठहरी
फ़क़ीर बन के रहो और सदा लगाओ मत
वही लिखो जो लहू की ज़बाँ से मिलता है
सुख़न को पर्दा-ए-अल्फ़ाज़ में छुपाओ मत
सुपुर्द कर ही दिया आतिश-ए-हुनर के तो फिर
तमाम ख़ाक ही हो जाओ कुछ बचाओ मत
dukhe hue haiñ hameñ aur ab dukhāo mat
jo ho ga.e ho fasāna to yaad aao mat
ḳhayāl-o-ḳhvāb meñ parchhā.iyāñ sī nāchtī haiñ
ab is tarah to mirī ruuh meñ samāo mat
zamīñ ke log to kyā do diloñ kī chāhat meñ
ḳhudā bhī ho to use darmiyān laao mat
tumhārā sar nahīñ tiflān-e-rah-guzar ke liye
dayār-e-sañg meñ ghar se nikal ke jaao mat
sivā.e apne kisī ke bhī ho nahīñ sakte
ham aur log haiñ logo hameñ satāo mat
hamāre ahd meñ ye rasm-e-āshiqī Thahrī
faqīr ban ke raho aur sadā lagāo mat
vahī likho jo lahū kī zabāñ se miltā hai
suḳhan ko parda-e-alfāz meñ chhupāo mat
supurd kar hī diyā ātish-e-hunar ke to phir
tamām ḳhaak hī ho jaao kuchh bachāo mat
دکھے ہوئے ہیں ہمیں اور اب دکھاؤ مت
جو ہو گئے ہو فسانہ تو یاد آؤ مت
خیال و خواب میں پرچھائیاں سی ناچتی ہیں
اب اس طرح تو مری روح میں سماؤ مت
زمیں کے لوگ تو کیا دو دلوں کی چاہت میں
خدا بھی ہو تو اسے درمیان لاؤ مت
تمہارا سر نہیں طفلان رہ گزر کے لیے
دیار سنگ میں گھر سے نکل کے جاؤ مت
سوائے اپنے کسی کے بھی ہو نہیں سکتے
ہم اور لوگ ہیں لوگو ہمیں ستاؤ مت
ہمارے عہد میں یہ رسم عاشقی ٹھہری
فقیر بن کے رہو اور صدا لگاؤ مت
وہی لکھو جو لہو کی زباں سے ملتا ہے
سخن کو پردۂ الفاظ میں چھپاؤ مت
سپرد کر ہی دیا آتش ہنر کے تو پھر
تمام خاک ہی ہو جاؤ کچھ بچاؤ مت