डुबो के मुल्क से तेरे हिसाब का सूरज
निकालना है हमें इंक़लाब का सूरज
किसी भी शख़्स को लाते नहीं वो नज़रों में
बुलंदियों पे अभी है जनाब का सूरज
मिटा के ज़ुल्म की रख देगा ये तमाज़त को
निकल रहा है नई आब-ओ-ताब का सूरज
है नूर छाया हुआ हर तरफ़ ज़माने में
चमक रहा है किसी के शबाब का सूरज
अगर ग़रीब का बेबस का दिल दुखाएगा
जला के छोड़ेगा तुझ को अज़ाब का सूरज
जबीं पे आप की सज्दों के गर निशाँ होंगे
लहद को रक्खेगा रौशन सवाब का सूरज
ख़ुदा की ज़ात से उम्मीद है ये 'शाद' हमें
उगेगा एक दिन अपने हिसाब का सूरज
Dubo ke mulk se tere hisāb kā sūraj
nikālnā hai hameñ inqalāb kā sūraj
kisī bhī shaḳhs ko laate nahīñ vo nazroñ meñ
bulandiyoñ pe abhī hai janāb kā sūraj
miTā ke zulm kī rakh degā ye tamāzat ko
nikal rahā hai na.ī āb-o-tāb kā sūraj
hai nuur chhāyā huā har taraf zamāne meñ
chamak rahā hai kisī ke shabāb kā sūraj
agar ġharīb kā bebas kā dil dukhā.egā
jalā ke chhoḌegā tujh ko azaab kā sūraj
jabīñ pe aap kī sajdoñ ke gar nishāñ hoñge
lahad ko rakkhegā raushan savāb kā sūraj
ḳhudā kī zaat se ummīd hai ye 'shād' hameñ
ugegā ek din apne hisāb kā sūraj
ڈبو کے ملک سے تیرے حساب کا سورج
نکالنا ہے ہمیں انقلاب کا سورج
کسی بھی شخص کو لاتے نہیں وہ نظروں میں
بلندیوں پہ ابھی ہے جناب کا سورج
مٹا کے ظلم کی رکھ دے گا یہ تمازت کو
نکل رہا ہے نئی آب و تاب کا سورج
ہے نور چھایا ہوا ہر طرف زمانے میں
چمک رہا ہے کسی کے شباب کا سورج
اگر غریب کا بے بس کا دل دکھائے گا
جلا کے چھوڑے گا تجھ کو عذاب کا سورج
جبیں پہ آپ کی سجدوں کے گر نشاں ہوں گے
لحد کو رکھے گا روشن ثواب کا سورج
خدا کی ذات سے امید ہے یہ شادؔ ہمیں
اگے گا ایک دن اپنے حساب کا سورج