दिल से इक पल भी जुदा हो ये गवारा ही नहीं
हम को अब दर्द से बढ़ कर कोई प्यारा ही नहीं
तेरे ग़म ने किया ये हाल ख़ुशी है इस की
रंज इस का है कि ये हाल हमारा ही नहीं
हम जो मरते हैं मोहब्बत में तो मरने दीजे
इस में मरने के 'अलावा कोई चारा ही नहीं
आज दुनिया में बड़ी बात है इज़हार-ए-वफ़ा
क्या करें हम को ये तौहीन गवारा ही नहीं
ये तो इक फ़र्ज़ था ऐ गेसु-ए-दौराँ अपना
हम ने उजरत के लिए तुझ को सँवारा ही नहीं
ऐसा कुछ लुत्फ़ मिला 'इश्क़ की मज़दूरी में
दर्द का बोझ कभी सर से उतारा ही नहीं
ख़ूब आगाह तक़ाज़ा-ए-जुनूँ से हम हैं
क्या बताएँ अभी मौसम का इशारा ही नहीं
शर्म होगी तो ख़ुद आएगी पलट कर 'आजिज़'
हम ने जाती हुई दुनिया को पुकारा ही नहीं
dil se ik pal bhī judā ho ye gavārā hī nahīñ
ham ko ab dard se baḌh kar koī pyārā hī nahīñ
tere ġham ne kiyā ye haal ḳhushī hai is kī
ranj is kā hai ki ye haal hamārā hī nahīñ
ham jo marte haiñ mohabbat meñ to marne diije
is meñ marne ke 'alāva koī chārā hī nahīñ
aaj duniyā meñ baḌī baat hai iz.hār-e-vafā
kyā kareñ ham ko ye tauhīn gavārā hī nahīñ
ye to ik farz thā ai gesu-e-daurāñ apnā
ham ne ujrat ke liye tujh ko sañvārā hī nahīñ
aisā kuchh lutf milā 'ishq kī mazdūrī meñ
dard kā bojh kabhī sar se utārā hī nahīñ
ḳhuub āgāh taqāzā-e-junūñ se ham haiñ
kyā batā.eñ abhī mausam kā ishārā hī nahīñ
sharm hogī to ḳhud aa.egī palaT kar 'ājiz'
ham ne jaatī huī duniyā ko pukārā hī nahīñ
دل سے اک پل بھی جدا ہو یہ گوارا ہی نہیں
ہم کو اب درد سے بڑھ کر کوئی پیارا ہی نہیں
تیرے غم نے کیا یہ حال خوشی ہے اس کی
رنج اس کا ہے کہ یہ حال ہمارا ہی نہیں
ہم جو مرتے ہیں محبت میں تو مرنے دیجے
اس میں مرنے کے علاوہ کوئی چارا ہی نہیں
آج دنیا میں بڑی بات ہے اظہار وفا
کیا کریں ہم کو یہ توہین گوارا ہی نہیں
یہ تو اک فرض تھا اے گیسوئے دوراں اپنا
ہم نے اجرت کے لیے تجھ کو سنوارا ہی نہیں
ایسا کچھ لطف ملا عشق کی مزدوری میں
درد کا بوجھ کبھی سر سے اتارا ہی نہیں
خوب آگاہ تقاضائے جنوں سے ہم ہیں
کیا بتائیں ابھی موسم کا اشارا ہی نہیں
شرم ہوگی تو خود آئے گی پلٹ کر عاجزؔ
ہم نے جاتی ہوئی دنیا کو پکارا ہی نہیں