दिल पर जो ज़ख़्म हैं वो दिखाएँ किसी को क्या
अपना शरीक-ए-दर्द बनाएँ किसी को क्या
हर शख़्स अपने अपने ग़मों में है मुब्तला
ज़िंदाँ में अपने साथ रुलाएँ किसी को क्या
बिछड़े हुए वो यार वो छोड़े हुए दयार
रह रह के हम को याद जो आएँ किसी को क्या
रोने को अपने हाल पे तन्हाई है बहुत
इस अंजुमन में ख़ुद पे हँसाएँ किसी को क्या
वो बात छेड़ जिस में झलकता हो सब का ग़म
यादें किसी की तुझ को सताएँ किसी को क्या
सोए हुए हैं लोग तो होंगे सुकून से
हम जागने का रोग लगाएँ किसी को क्या
'जालिब' न आएगा कोई अहवाल पूछने
दें शहर-ए-बे-हिसाँ में सदाएँ किसी को क्या
dil par jo zaḳhm haiñ vo dikhā.eñ kisī ko kyā
apnā sharīk-e-dard banā.eñ kisī ko kyā
har shaḳhs apne apne ġhamoñ meñ hai mubtalā
zindāñ meñ apne saath rulā.eñ kisī ko kyā
bichhḌe hue vo yaar vo chhoḌe hue dayār
rah rah ke ham ko yaad jo aa.eñ kisī ko kyā
rone ko apne haal pe tanhā.ī hai bahut
is anjuman meñ ḳhud pe hañsā.eñ kisī ko kyā
vo baat chheḌ jis meñ jhalaktā ho sab kā ġham
yādeñ kisī kī tujh ko satā.eñ kisī ko kyā
so.e hue haiñ log to hoñge sukūn se
ham jāgne kā rog lagā.eñ kisī ko kyā
'jālib' na aa.egā koī ahvāl pūchhne
deñ shahr-e-be-hisāñ meñ sadā.eñ kisī ko kyā
دل پر جو زخم ہیں وہ دکھائیں کسی کو کیا
اپنا شریک درد بنائیں کسی کو کیا
ہر شخص اپنے اپنے غموں میں ہے مبتلا
زنداں میں اپنے ساتھ رلائیں کسی کو کیا
بچھڑے ہوئے وہ یار وہ چھوڑے ہوئے دیار
رہ رہ کے ہم کو یاد جو آئیں کسی کو کیا
رونے کو اپنے حال پہ تنہائی ہے بہت
اس انجمن میں خود پہ ہنسائیں کسی کو کیا
وہ بات چھیڑ جس میں جھلکتا ہو سب کا غم
یادیں کسی کی تجھ کو ستائیں کسی کو کیا
سوئے ہوئے ہیں لوگ تو ہوں گے سکون سے
ہم جاگنے کا روگ لگائیں کسی کو کیا
جالبؔ نہ آئے گا کوئی احوال پوچھنے
دیں شہر بے حساں میں صدائیں کسی کو کیا