दिल लगा बैठा हूँ उस अय्यार से
जिस को नफ़रत है वफ़ा से प्यार से
देखिए हम किस क़दर हैं बे-नियाज़
कुछ न माँगा हुस्न की सरकार से
ऐ निगाह-ए-नाज़ तेरा शुक्रिया
मुतमइन है दिल तिरी गुफ़्तार से
किस लिए हूँ ज़िंदगी से बद-गुमाँ
काश वो पूछे किसी दिन प्यार से
ज़िंदगी भी हम से है बेज़ार सी
ज़िंदगी से हम भी हैं बेज़ार से
हर बशर के वास्ते है लाज़मी
काम ले शीरीनी-ए-गुफ़्तार से
आप की ख़ातिर हुए बर्बाद हम
आप भी हैं हम से कुछ बेज़ार से
दोस्ती उन से निभेगी किस तरह
मैं हूँ दीवाना तो वो होशियार से
ग़ैर तो फिर ग़ैर हैं 'आसी' मगर
आप भी कुछ कम नहीं अग़्यार से
dil lagā baiThā huuñ us ayyār se
jis ko nafrat hai vafā se pyaar se
dekhiye ham kis qadar haiñ be-niyāz
kuchh na māñgā husn kī sarkār se
ai nigāh-e-nāz terā shukriya
mutma.in hai dil tirī guftār se
kis liye huuñ zindagī se bad-gumāñ
kaash vo pūchhe kisī din pyaar se
zindagī bhī ham se hai bezār sī
zindagī se ham bhī haiñ bezār se
har bashar ke vāste hai lāzmī
kaam le shīrīnī-e-guftār se
aap kī ḳhātir hue barbād ham
aap bhī haiñ ham se kuchh bezār se
dostī un se nibhegī kis tarah
maiñ huuñ dīvāna to vo hoshiyār se
ġhair to phir ġhair haiñ 'āsī' magar
aap bhī kuchh kam nahīñ aġhyār se
دل لگا بیٹھا ہوں اس عیار سے
جس کو نفرت ہے وفا سے پیار سے
دیکھیے ہم کس قدر ہیں بے نیاز
کچھ نہ مانگا حسن کی سرکار سے
اے نگاہ ناز تیرا شکریہ
مطمئن ہے دل تری گفتار سے
کس لئے ہوں زندگی سے بد گماں
کاش وہ پوچھے کسی دن پیار سے
زندگی بھی ہم سے ہے بیزار سی
زندگی سے ہم بھی ہیں بیزار سے
ہر بشر کے واسطے ہے لازمی
کام لے شیرینئ گفتار سے
آپ کی خاطر ہوئے برباد ہم
آپ بھی ہیں ہم سے کچھ بیزار سے
دوستی ان سے نبھے گی کس طرح
میں ہوں دیوانہ تو وہ ہوشیار سے
غیر تو پھر غیر ہیں عاصیؔ مگر
آپ بھی کچھ کم نہیں اغیار سے