दिल को समझाओ ज़रा इश्क़ में क्या रक्खा है
किस लिए आप को दीवाना बना रक्खा है
ये तो मालूम है बीमार में क्या रक्खा है
तेरे मिलने की तमन्ना ने जिला रक्खा है
कौन सा बादा-कश ऐसा है कि जिस की ख़ातिर
जाम पहले ही से साक़ी ने उठा रक्खा है
अपने ही हाल में रहने दे मुझे ऐ हमदम
तेरी बातों ने मिरा ध्यान बटा रक्खा है
आतिश-ए-इश्क़ से अल्लाह बचाए सब को
इसी शोले ने ज़माने को जला रक्खा है
मैं ने ज़ुल्फ़ों को छुआ हो तो डसें नाग मुझे
बे-ख़ता आप ने इल्ज़ाम लगा रक्खा है
कैसे भूले हुए हैं गब्र ओ मुसलमाँ दोनों
दैर में बुत है न काबे में ख़ुदा रक्खा है
dil ko samjhāo zarā ishq meñ kyā rakkhā hai
kis liye aap ko dīvāna banā rakkhā hai
ye to ma.alūm hai bīmār meñ kyā rakkhā hai
tere milne kī tamannā ne jilā rakkhā hai
kaun sā bāda-kash aisā hai ki jis kī ḳhātir
jaam pahle hī se saaqī ne uThā rakkhā hai
apne hī haal meñ rahne de mujhe ai hamdam
terī bātoñ ne mirā dhyān baTā rakkhā hai
ātish-e-ishq se allāh bachā.e sab ko
isī sho.ale ne zamāne ko jalā rakkhā hai
maiñ ne zulfoñ ko chhuā ho to Daseñ naag mujhe
be-ḳhatā aap ne ilzām lagā rakkhā hai
kaise bhūle hue haiñ gabr o musalmāñ donoñ
dair meñ but hai na ka.abe meñ ḳhudā rakkhā hai
دل کو سمجھاؤ ذرا عشق میں کیا رکھا ہے
کس لیے آپ کو دیوانہ بنا رکھا ہے
یہ تو معلوم ہے بیمار میں کیا رکھا ہے
تیرے ملنے کی تمنا نے جلا رکھا ہے
کون سا بادہ کش ایسا ہے کہ جس کی خاطر
جام پہلے ہی سے ساقی نے اٹھا رکھا ہے
اپنے ہی حال میں رہنے دے مجھے اے ہم دم
تیری باتوں نے مرا دھیان بٹا رکھا ہے
آتش عشق سے اللہ بچائے سب کو
اسی شعلے نے زمانے کو جلا رکھا ہے
میں نے زلفوں کو چھوا ہو تو ڈسیں ناگ مجھے
بے خطا آپ نے الزام لگا رکھا ہے
کیسے بھولے ہوئے ہیں گبر و مسلماں دونوں
دیر میں بت ہے نہ کعبے میں خدا رکھا ہے