दिल का हर एक दाग़ चराग़ाँ से कम नहीं
मेरी ख़िज़ाँ भी फ़स्ल-ए-बहाराँ से कम नहीं
इस में है ख़ून-ए-दिल का समुंदर छुपा हुआ
आँखों में एक अश्क भी तूफ़ाँ से कम नहीं
यादों में हैं गुलाब से चेहरे सजे हुए
शहर-ए-ख़याल कूचा-ए-जानाँ से कम नहीं
है ख़ाक पर नशिस्त फ़लक पर उड़ान है
मेरी ज़मीं भी तख़्त-ए-सुलैमाँ से कम नहीं
जीने का हौसला भी मयस्सर न हो जिसे
उस की सहर भी शाम-ए-ग़रीबाँ से कम नहीं
निकले किसी की याद में आँसू जो आँख से
मेरे लिए वो ला'ल-ए-बदख़्शाँ से कम नहीं
आँखों के सामने हैं मनाज़िर अजीब से
ये जागना भी ख़्वाब-ए-परेशाँ से कम नहीं
'शाहिद' फ़िराक़-ए-याद में ये दिल का हाल है
वीरानियों में दश्त-ओ-बयाबाँ से कम नहीं
dil kā har ek daaġh charāġhāñ se kam nahīñ
merī ḳhizāñ bhī fasl-e-bahārāñ se kam nahīñ
is meñ hai ḳhūn-e-dil kā samundar chhupā huā
āñkhoñ meñ ek ashk bhī tūfāñ se kam nahīñ
yādoñ meñ haiñ gulāb se chehre saje hue
shahr-e-ḳhayāl kūcha-e-jānāñ se kam nahīñ
hai ḳhaak par nashist falak par uḌaan hai
merī zamīñ bhī taḳht-e-sulaimāñ se kam nahīñ
jiine kā hausla bhī mayassar na ho jise
us kī sahar bhī shām-e-ġharībāñ se kam nahīñ
nikle kisī kī yaad meñ aañsū jo aañkh se
mere liye vo la.al-e-badaḳhshāñ se kam nahīñ
āñkhoñ ke sāmne haiñ manāzir ajiib se
ye jāgnā bhī ḳhvāb-e-pareshāñ se kam nahīñ
'shāhid' firāq-e-yād meñ ye dil kā haal hai
vīrāniyoñ meñ dasht-o-bayābāñ se kam nahīñ
دل کا ہر ایک داغ چراغاں سے کم نہیں
میری خزاں بھی فصل بہاراں سے کم نہیں
اس میں ہے خون دل کا سمندر چھپا ہوا
آنکھوں میں ایک اشک بھی طوفاں سے کم نہیں
یادوں میں ہیں گلاب سے چہرے سجے ہوئے
شہر خیال کوچۂ جاناں سے کم نہیں
ہے خاک پر نشست فلک پر اڑان ہے
میری زمیں بھی تخت سلیماں سے کم نہیں
جینے کا حوصلہ بھی میسر نہ ہو جسے
اس کی سحر بھی شام غریباں سے کم نہیں
نکلے کسی کی یاد میں آنسو جو آنکھ سے
میرے لیے وہ لعل بدخشاں سے کم نہیں
آنکھوں کے سامنے ہیں مناظر عجیب سے
یہ جاگنا بھی خواب پریشاں سے کم نہیں
شاہدؔ فراق یاد میں یہ دل کا حال ہے
ویرانیوں میں دشت و بیاباں سے کم نہیں