दिल जब से तिरे हिज्र में बीमार पड़ा है
जीने से ख़फ़ा जान से बे-ज़ार पड़ा है
सौदा न बना गेसू-ए-जानाँ से तो क्या ग़म
ले लेंगे कहीं और से बाज़ार पड़ा है
परहेज़ तप-ए-हिज्र से है तुझ को जो ऐ दिल
तू और भी आगे कभी बीमार पड़ा है
फ़रमाइए रोके से रुके हैं कभी आशिक़
दरवाज़े पे क़ुफ़्ल आप के सौ बार पड़ा है
मैं दैर ओ हरम हो के तिरे कूचे में पहुँचा
दो मंज़िलों का फेर बस ऐ यार पड़ा है
की तर्क-ए-मोहब्बत तो लिया दर्द-ए-जिगर मोल
परहेज़ से दिल और भी बीमार पड़ा है
तौक़ीर नहीं अंजुमन-ए-ख़ास में दिल की
शीशा तिरे मय-ख़ाना में बेकार पड़ा है
कुछ शाम-ए-जुदाई में सुझाई नहीं देता
पर्दा ख़िरद ओ होश पे ऐ यार पड़ा है
'जौहर' कहीं बिकती ही नहीं जिंस-ए-मोहब्बत
क्या क़हत वफ़ा का सर-ए-बाज़ार पड़ा है
dil jab se tire hijr meñ bīmār paḌā hai
jiine se ḳhafā jaan se be-zār paḌā hai
saudā na banā gesū-e-jānāñ se to kyā ġham
le leñge kahīñ aur se bāzār paḌā hai
parhez tap-e-hijr se hai tujh ko jo ai dil
tū aur bhī aage kabhī bīmār paḌā hai
farmā.iye roke se ruke haiñ kabhī āshiq
darvāze pe qufl aap ke sau baar paḌā hai
maiñ dair o haram ho ke tire kūche meñ pahuñchā
do manziloñ kā pher bas ai yaar paḌā hai
kī tark-e-mohabbat to liyā dard-e-jigar mol
parhez se dil aur bhī bīmār paḌā hai
tauqīr nahīñ anjuman-e-ḳhās meñ dil kī
shīsha tire mai-ḳhāna meñ bekār paḌā hai
kuchh shām-e-judā.ī meñ sujhā.ī nahīñ detā
parda ḳhirad o hosh pe ai yaar paḌā hai
'jauhar' kahīñ biktī hī nahīñ jins-e-mohabbat
kyā qaht vafā kā sar-e-bāzār paḌā hai
دل جب سے ترے ہجر میں بیمار پڑا ہے
جینے سے خفا جان سے بے زار پڑا ہے
سودا نہ بنا گیسوئے جاناں سے تو کیا غم
لے لیں گے کہیں اور سے بازار پڑا ہے
پرہیز تپ ہجر سے ہے تجھ کو جو اے دل
تو اور بھی آگے کبھی بیمار پڑا ہے
فرمائیے روکے سے رکے ہیں کبھی عاشق
دروازے پہ قفل آپ کے سو بار پڑا ہے
میں دیر و حرم ہو کے ترے کوچے میں پہنچا
دو منزلوں کا پھیر بس اے یار پڑا ہے
کی ترک محبت تو لیا درد جگر مول
پرہیز سے دل اور بھی بیمار پڑا ہے
توقیر نہیں انجمن خاص میں دل کی
شیشہ ترے مے خانہ میں بے کار پڑا ہے
کچھ شام جدائی میں سجھائی نہیں دیتا
پردہ خرد و ہوش پہ اے یار پڑا ہے
جوہرؔ کہیں بکتی ہی نہیں جنس محبت
کیا قحط وفا کا سر بازار پڑا ہے