दिल ही थे हम दुखे हुए तुम ने दुखा लिया तो क्या
तुम भी तो बे-अमाँ हुए हम को सता लिया तो क्या
आप के घर में हर तरफ़ मंज़र-ए-माह-ओ-आफ़्ताब
एक चराग़-ए-शाम अगर मैं ने जला लिया तो क्या
बाग़ का बाग़ आप की दस्तरस-ए-हवस में है
एक ग़रीब ने अगर फूल उठा लिया तो क्या
लुत्फ़ ये है कि आदमी आम करे बहार को
मौज-ए-हवा-ए-रंग में आप नहा लिया तो क्या
अब कहीं बोलता नहीं ग़ैब जो खोलता नहीं
ऐसा अगर कोई ख़ुदा तुम ने बना लिया तो क्या
जो है ख़ुदा का आदमी उस की है सल्तनत अलग
ज़ुल्म ने ज़ुल्म से अगर हाथ मिला लिया तो क्या
आज की है जो कर्बला कल पे है उस का फ़ैसला
आज ही आप ने अगर जश्न मना लिया तो क्या
लोग दुखे हुए तमाम रंग बुझे हुए तमाम
ऐसे में अहल-ए-शाम ने शहर सजा लिया तो क्या
पढ़ता नहीं है अब कोई सुनता नहीं है अब कोई
हर्फ़ जगा लिया तो क्या शेर सुना लिया तो क्या
dil hī the ham dukhe hue tum ne dukhā liyā to kyā
tum bhī to be-amāñ hue ham ko satā liyā to kyā
aap ke ghar meñ har taraf manzar-e-māh-o-āftāb
ek charāġh-e-shām agar maiñ ne jalā liyā to kyā
baaġh kā baaġh aap kī dastaras-e-havas meñ hai
ek ġharīb ne agar phuul uThā liyā to kyā
lutf ye hai ki aadmī aam kare bahār ko
mauj-e-havā-e-rañg meñ aap nahā liyā to kyā
ab kahīñ boltā nahīñ ġhaib jo kholtā nahīñ
aisā agar koī ḳhudā tum ne banā liyā to kyā
jo hai ḳhudā kā aadmī us kī hai saltanat alag
zulm ne zulm se agar haath milā liyā to kyā
aaj kī hai jo karbalā kal pe hai us kā faisla
aaj hī aap ne agar jashn manā liyā to kyā
log dukhe hue tamām rañg bujhe hue tamām
aise meñ ahl-e-shām ne shahr sajā liyā to kyā
paḌhtā nahīñ hai ab koī suntā nahīñ hai ab koī
harf jagā liyā to kyā sher sunā liyā to kyā
دل ہی تھے ہم دکھے ہوئے تم نے دکھا لیا تو کیا
تم بھی تو بے اماں ہوئے ہم کو ستا لیا تو کیا
آپ کے گھر میں ہر طرف منظر ماہ و آفتاب
ایک چراغ شام اگر میں نے جلا لیا تو کیا
باغ کا باغ آپ کی دسترس ہوس میں ہے
ایک غریب نے اگر پھول اٹھا لیا تو کیا
لطف یہ ہے کہ آدمی عام کرے بہار کو
موج ہوائے رنگ میں آپ نہا لیا تو کیا
اب کہیں بولتا نہیں غیب جو کھولتا نہیں
ایسا اگر کوئی خدا تم نے بنا لیا تو کیا
جو ہے خدا کا آدمی اس کی ہے سلطنت الگ
ظلم نے ظلم سے اگر ہاتھ ملا لیا تو کیا
آج کی ہے جو کربلا کل پہ ہے اس کا فیصلہ
آج ہی آپ نے اگر جشن منا لیا تو کیا
لوگ دکھے ہوئے تمام رنگ بجھے ہوئے تمام
ایسے میں اہل شام نے شہر سجا لیا تو کیا
پڑھتا نہیں ہے اب کوئی سنتا نہیں ہے اب کوئی
حرف جگا لیا تو کیا شعر سنا لیا تو کیا