दिल-ए-पुर-शौक़ को पहलू में दबाए रक्खा
तुझ से भी हम ने तिरा प्यार छुपाए रक्खा
छोड़ इस बात को ऐ दोस्त कि तुझ से पहले
हम ने किस किस को ख़यालों में बसाए रक्खा
ग़ैर मुमकिन थी ज़माने के ग़मों से फ़ुर्सत
फिर भी हम ने तिरा ग़म दिल में बसाए रक्खा
फूल को फूल न कहते सो उसे क्या कहते
क्या हुआ ग़ैर ने कॉलर पे सजाए रक्खा
जाने किस हाल में हैं कौन से शहरों में हैं वो
ज़िंदगी अपनी जिन्हें हम ने बनाए रक्खा
हाए क्या लोग थे वो लोग परी-चेहरा लोग
हम ने जिन के लिए दुनिया को भुलाए रक्खा
अब मिलें भी तो न पहचान सकें हम उन को
जिन को इक उम्र ख़यालों में बसाए रक्खा
dil-e-pur-shauq ko pahlū meñ dabā.e rakkhā
tujh se bhī ham ne tirā pyaar chhupā.e rakkhā
chhoḌ is baat ko ai dost ki tujh se pahle
ham ne kis kis ko ḳhayāloñ meñ basā.e rakkhā
ġhair mumkin thī zamāne ke ġhamoñ se fursat
phir bhī ham ne tirā ġham dil meñ basā.e rakkhā
phuul ko phuul na kahte so use kyā kahte
kyā huā ġhair ne collar pe sajā.e rakkhā
jaane kis haal meñ haiñ kaun se shahroñ meñ haiñ vo
zindagī apnī jinheñ ham ne banā.e rakkhā
haa.e kyā log the vo log parī-chehra log
ham ne jin ke liye duniyā ko bhulā.e rakkhā
ab mileñ bhī to na pahchān sakeñ ham un ko
jin ko ik umr ḳhayāloñ meñ basā.e rakkhā
دل پر شوق کو پہلو میں دبائے رکھا
تجھ سے بھی ہم نے ترا پیار چھپائے رکھا
چھوڑ اس بات کو اے دوست کہ تجھ سے پہلے
ہم نے کس کس کو خیالوں میں بسائے رکھا
غیر ممکن تھی زمانے کے غموں سے فرصت
پھر بھی ہم نے ترا غم دل میں بسائے رکھا
پھول کو پھول نہ کہتے سو اسے کیا کہتے
کیا ہوا غیر نے کالر پہ سجائے رکھا
جانے کس حال میں ہیں کون سے شہروں میں ہیں وہ
زندگی اپنی جنہیں ہم نے بنائے رکھا
ہائے کیا لوگ تھے وہ لوگ پری چہرہ لوگ
ہم نے جن کے لیے دنیا کو بھلائے رکھا
اب ملیں بھی تو نہ پہچان سکیں ہم ان کو
جن کو اک عمر خیالوں میں بسائے رکھا