देखिए हो गई बदनाम मसीहाई भी
हम न कहते थे कि टलती है कहीं आई भी
हुस्न ख़ुद्दार हो तो बाइस-ए-शोहरत है ज़रूर
लेकिन इन बातों में हो जाती है रुस्वाई भी
सैंकड़ों रंज ओ अलम दर्द ओ मुसीबत शब-ए-ग़म
कितनी हंगामा-तलब है मिरी तन्हाई भी
तुम भी दीवाने के कहने का बुरा मान गए
होश की बात कहीं करते हैं सौदाई भी
बाल ओ पर देख तो लो अपने असीरान-ए-क़फ़स
क्या करोगे जो गुलिस्ताँ में बहार आई भी
पाँव वहशत में कहीं रुकते हैं दीवानों के
तोड़ डालेंगे ये ज़ंजीर जो पहनाई भी
ऐ मिरे देखने वाले तिरी सूरत पे निसार
काश होती तेरी तस्वीर में गोयाई भी
ऐ 'क़मर' वो न हुई देखिए तक़दीर की बात
चाँदनी रात जो क़िस्मत से कभी आई भी
dekhiye ho ga.ī badnām masīhā.ī bhī
ham na kahte the ki Taltī hai kahīñ aa.ī bhī
husn ḳhuddār ho to bā.is-e-shohrat hai zarūr
lekin in bātoñ meñ ho jaatī hai rusvā.ī bhī
saiñkaḌoñ ranj o alam dard o musībat shab-e-ġham
kitnī hañgāma-talab hai mirī tanhā.ī bhī
tum bhī dīvāne ke kahne kā burā maan ga.e
hosh kī baat kahīñ karte haiñ saudā.ī bhī
baal o par dekh to lo apne asīrān-e-qafas
kyā karoge jo gulistāñ meñ bahār aa.ī bhī
paañv vahshat meñ kahīñ rukte haiñ dīvānoñ ke
toḌ Dāleñge ye zanjīr jo pahnā.ī bhī
ai mire dekhne vaale tirī sūrat pe nisār
kaash hotī terī tasvīr meñ goyā.ī bhī
ai 'qamar' vo na huī dekhiye taqdīr kī baat
chāndnī raat jo qismat se kabhī aa.ī bhī
دیکھیے ہو گئی بد نام مسیحائی بھی
ہم نہ کہتے تھے کہ ٹلتی ہے کہیں آئی بھی
حسن خوددار ہو تو باعث شہرت ہے ضرور
لیکن ان باتوں میں ہو جاتی ہے رسوائی بھی
سینکڑوں رنج و الم درد و مصیبت شب غم
کتنی ہنگامہ طلب ہے مری تنہائی بھی
تم بھی دیوانے کے کہنے کا برا مان گئے
ہوش کی بات کہیں کرتے ہیں سودائی بھی
بال و پر دیکھ تو لو اپنے اسیران قفس
کیا کرو گے جو گلستاں میں بہار آئی بھی
پاؤں وحشت میں کہیں رکتے ہیں دیوانوں کے
توڑ ڈالیں گے یہ زنجیر جو پہنائی بھی
اے مرے دیکھنے والے تری صورت پہ نثار
کاش ہوتی تیری تصویر میں گویائی بھی
اے قمرؔ وہ نہ ہوئی دیکھیے تقدیر کی بات
چاندنی رات جو قسمت سے کبھی آئی بھی