दयार-ए-ख़्वाब से आगे सफ़र करने का दिन है
तो क्या ये क़िस्सा-ए-जाँ मुख़्तसर करने का दिन है
बुलावा आ गया है फिर मुझे सहरा-नवर्दी का
यही तो ज़िंदगी को हम-सफ़र करने का दिन है
मुझे रक़्स-ए-जुनूँ करना पड़ेगा शाम होने तक
मुदारात-ए-हुजूम-ए-दीदा-तर करने का दिन है
ख़िज़ाँ की बद-हवासी उस के चेहरे से है ज़ाहिर
जहाँ को मौसम-ए-गुल की ख़बर करने का दिन है
ये ख़ाशाक-ए-समाअत ख़ाक होना चाहते हैं
ज़बाँ को आज अपनी शोला-गर करने का दिन है
हुआ है दीदनी मंज़र ज़मीं से आसमाँ का
क़फ़स में आरज़ू-ए-बाल-ओ-पर करने का दिन है
dayār-e-ḳhvāb se aage safar karne kā din hai
to kyā ye qissa-e-jāñ muḳhtasar karne kā din hai
bulāvā aa gayā hai phir mujhe sahrā-navardī kā
yahī to zindagī ko ham-safar karne kā din hai
mujhe raqs-e-junūñ karnā paḌegā shaam hone tak
mudārāt-e-hujūm-e-dīda-tar karne kā din hai
ḳhizāñ kī bad-havāsī us ke chehre se hai zāhir
jahāñ ko mausam-e-gul kī ḳhabar karne kā din hai
ye ḳhāshāk-e-samā.at ḳhaak honā chāhte haiñ
zabāñ ko aaj apnī shola-gar karne kā din hai
huā hai dīdanī manzar zamīñ se āsmāñ kā
qafas meñ ārzū-e-bāl-o-par karne kā din hai
دیار خواب سے آگے سفر کرنے کا دن ہے
تو کیا یہ قصۂ جاں مختصر کرنے کا دن ہے
بلاوا آ گیا ہے پھر مجھے صحرا نوردی کا
یہی تو زندگی کو ہم سفر کرنے کا دن ہے
مجھے رقص جنوں کرنا پڑے گا شام ہونے تک
مدارات ہجوم دیدہ تر کرنے کا دن ہے
خزاں کی بدحواسی اس کے چہرے سے ہے ظاہر
جہاں کو موسم گل کی خبر کرنے کا دن ہے
یہ خاشاک سماعت خاک ہونا چاہتے ہیں
زباں کو آج اپنی شعلہ گر کرنے کا دن ہے
ہوا ہے دیدنی منظر زمیں سے آسماں کا
قفس میں آرزوئے بال و پر کرنے کا دن ہے