दयार-ए-'दाग़'-ओ-'बेख़ुद' शहर-ए-देहली छोड़ कर तुझ को
न था मा'लूम यूँ रोएगा दिल शाम-ओ-सहर तुझ को
कहाँ मिलते हैं दुनिया को कहाँ मिलते हैं दुनिया में
हुए थे जो अता अहल-ए-सुख़न अहल-ए-नज़र तुझ को
तुझे मरकज़ कहा जाता था दुनिया की निगाहों का
मोहब्बत की नज़र से देखते थे सब नगर तुझ को
ब-क़ौल-ए-'मीर' औराक़-ए-मुसव्वर थे तिरे कूचे
मगर हाए ज़माने की लगी कैसी नज़र तुझ को
न भूलेगा हमारी दास्ताँ तू भी क़यामत तक
दिलाएँगे हमारी याद तेरे रहगुज़र तुझ को
जो तेरे ग़म में बहता है वो आँसू रश्क-ए-गौहर है
समझते हैं मता-ए-दीदा-ओ-दिल दीदा-वर तुझ को
मैं 'जालिब'-देहलवी कहला नहीं सकता ज़माने में
मगर समझा है मैं ने आज तक अपना ही घर तुझ को
dayār-e-'dāġh'-o-'beḳhud' shahr-e-dehlī chhoḌ kar tujh ko
na thā ma.alūm yuuñ ro.egā dil shām-o-sahar tujh ko
kahāñ milte haiñ duniyā ko kahāñ milte haiñ duniyā meñ
hue the jo atā ahl-e-suḳhan ahl-e-nazar tujh ko
tujhe markaz kahā jaatā thā duniyā kī nigāhoñ kā
mohabbat kī nazar se dekhte the sab nagar tujh ko
ba-qaul-e-'mīr' aurāq-e-musavvar the tire kūche
magar haa.e zamāne kī lagī kaisī nazar tujh ko
na bhūlegā hamārī dāstāñ tū bhī qayāmat tak
dilā.eñge hamārī yaad tere rahguzar tujh ko
jo tere ġham meñ bahtā hai vo aañsū rashk-e-gauhar hai
samajhte haiñ matā-e-dīda-o-dil dīda-var tujh ko
maiñ 'jālib'-dehlavī kahlā nahīñ saktā zamāne meñ
magar samjhā hai maiñ ne aaj tak apnā hī ghar tujh ko
دیار داغؔ و بیخودؔ شہر دہلی چھوڑ کر تجھ کو
نہ تھا معلوم یوں روئے گا دل شام و سحر تجھ کو
کہاں ملتے ہیں دنیا کو کہاں ملتے ہیں دنیا میں
ہوئے تھے جو عطا اہل سخن اہل نظر تجھ کو
تجھے مرکز کہا جاتا تھا دنیا کی نگاہوں کا
محبت کی نظر سے دیکھتے تھے سب نگر تجھ کو
بقول میرؔ اوراق مصور تھے ترے کوچے
مگر ہائے زمانے کی لگی کیسی نظر تجھ کو
نہ بھولے گا ہماری داستاں تو بھی قیامت تک
دلائیں گے ہماری یاد تیرے رہ گزر تجھ کو
جو تیرے غم میں بہتا ہے وہ آنسو رشک گوہر ہے
سمجھتے ہیں متاع دیدہ و دل دیدہ ور تجھ کو
میں جالبؔ دہلوی کہلا نہیں سکتا زمانے میں
مگر سمجھا ہے میں نے آج تک اپنا ہی گھر تجھ کو