डसने लगे हैं ख़्वाब मगर किस से बोलिए
मैं जानती थी पाल रही हूँ संपोलिए
बस ये हुआ कि उस ने तकल्लुफ़ से बात की
और हम ने रोते रोते दुपट्टे भिगो लिए
पलकों पे कच्ची नींदों का रस फैलता हो जब
ऐसे में आँख धूप के रुख़ कैसे खोलिए
तेरी बरहना-पाई के दुख बाँटते हुए
हम ने ख़ुद अपने पाँव में काँटे चुभो लिए
मैं तेरा नाम ले के तज़ब्ज़ुब में पड़ गई
सब लोग अपने अपने 'अज़ीज़ों को रो लिए
ख़ुश-बू कहीं न जाए प इसरार है बहुत
और ये भी आरज़ू कि ज़रा ज़ुल्फ़ खोलिए
तस्वीर जब नई है नया कैनवस भी है
फिर तश्तरी में रंग पुराने न घोलिए
Dasne lage haiñ ḳhvāb magar kis se boliye
maiñ jāntī thī paal rahī huuñ sañpoliye
bas ye huā ki us ne takalluf se baat kī
aur ham ne rote rote dupaTTe bhigo liye
palkoñ pe kachchī nīñdoñ kā ras phailtā ho jab
aise meñ aañkh dhuup ke ruḳh kaise kholiye
terī barahna-pā.ī ke dukh bāñTte hue
ham ne ḳhud apne paañv meñ kāñTe chubho liye
maiñ terā naam le ke tazabzub meñ paḌ ga.ī
sab log apne apne 'azīzoñ ko ro liye
ḳhush-bū kahīñ na jaa.e pa isrār hai bahut
aur ye bhī aarzū ki zarā zulf kholiye
tasvīr jab na.ī hai nayā canvas bhī hai
phir tashtarī meñ rang purāne na gholiye
ڈسنے لگے ہیں خواب مگر کس سے بولئے
میں جانتی تھی پال رہی ہوں سنپولیے
بس یہ ہوا کہ اس نے تکلف سے بات کی
اور ہم نے روتے روتے دوپٹے بھگو لیے
پلکوں پہ کچی نیندوں کا رس پھیلتا ہو جب
ایسے میں آنکھ دھوپ کے رخ کیسے کھولیے
تیری برہنہ پائی کے دکھ بانٹتے ہوئے
ہم نے خود اپنے پاؤں میں کانٹے چبھو لیے
میں تیرا نام لے کے تذبذب میں پڑ گئی
سب لوگ اپنے اپنے عزیزوں کو رو لیے
خوش بو کہیں نہ جائے پہ اصرار ہے بہت
اور یہ بھی آرزو کہ ذرا زلف کھولیے
تصویر جب نئی ہے نیا کینوس بھی ہے
پھر طشتری میں رنگ پرانے نہ گھولیے