दरख़्त सूख गए रुक गए नदी नाले
ये किस नगर को रवाना हुए हैं घर वाले
कहानियाँ जो सुनाते थे अहद-ए-रफ़्ता की
निशाँ वो गर्दिश-ए-अय्याम ने मिटा डाले
मैं शहर शहर फिरा हूँ इसी तमन्ना में
किसी को अपना कहूँ कोई मुझ को अपना ले
सदा न दे किसी महताब को अंधेरों में
लगा न दे ये ज़माना ज़बान पर ताले
कोई किरन है यहाँ तो कोई किरन है वहाँ
दिल ओ निगाह ने किस दर्जा रोग हैं पाले
हमीं पे उन की नज़र है हमीं पे उन का करम
ये और बात यहाँ और भी हैं दिल वाले
कुछ और तुझ पे खुलेंगी हक़ीक़तें 'जालिब'
जो हो सके तो किसी का फ़रेब भी खा ले
daraḳht suukh ga.e ruk ga.e nadī naale
ye kis nagar ko ravāna hue haiñ ghar vaale
kahāniyāñ jo sunāte the ahd-e-rafta kī
nishāñ vo gardish-e-ayyām ne miTā Daale
maiñ shahr shahr phirā huuñ isī tamannā meñ
kisī ko apnā kahūñ koī mujh ko apnā le
sadā na de kisī mahtāb ko añdheroñ meñ
lagā na de ye zamāna zabān par taale
koī kiran hai yahāñ to koī kiran hai vahāñ
dil o nigāh ne kis darja rog haiñ paale
hamīñ pe un kī nazar hai hamīñ pe un kā karam
ye aur baat yahāñ aur bhī haiñ dil vaale
kuchh aur tujh pe khuleñgī haqīqateñ 'jālib'
jo ho sake to kisī kā fareb bhī khā le
درخت سوکھ گئے رک گئے ندی نالے
یہ کس نگر کو روانہ ہوئے ہیں گھر والے
کہانیاں جو سناتے تھے عہد رفتہ کی
نشاں وہ گردش ایام نے مٹا ڈالے
میں شہر شہر پھرا ہوں اسی تمنا میں
کسی کو اپنا کہوں کوئی مجھ کو اپنا لے
صدا نہ دے کسی مہتاب کو اندھیروں میں
لگا نہ دے یہ زمانہ زبان پر تالے
کوئی کرن ہے یہاں تو کوئی کرن ہے وہاں
دل و نگاہ نے کس درجہ روگ ہیں پالے
ہمیں پہ ان کی نظر ہے ہمیں پہ ان کا کرم
یہ اور بات یہاں اور بھی ہیں دل والے
کچھ اور تجھ پہ کھلیں گی حقیقتیں جالبؔ
جو ہو سکے تو کسی کا فریب بھی کھا لے