बे-वज्ह लोग आए हैं पानी तो है नहीं
वैसे भी उन को आग बुझानी तो है नहीं
जिस दिन उबाल आ गया फिर ख़ैरियत कहाँ
ये ख़ून है हमारा ये पानी तो है नहीं
बेकार आप बैठे हैं घेरे हुए मुझे
अब मेरे पास कोई कहानी तो है नहीं
क्या गुफ़्तुगू करूँ मैं यहाँ अहल-ए-'इल्म से
लहजे में मेरे इतनी रवानी तो है नहीं
समझे न जो इशारे को थोड़ा बहुत मिरे
कहने को अब वो इतनी दिवानी तो है नहीं
एल्बम से अपने दिल की हटाते हो किस लिए
तस्वीर मेरी इतनी पुरानी तो है नहीं
तेरे बग़ैर सैर को जाऊँ मैं किस लिए
तेरे बग़ैर शाम सुहानी तो है नहीं
इक बे-वफ़ा से कर के मोहब्बत फ़ुज़ूल में
दर दर की मुझ को ख़ाक उड़ानी तो है नहीं
नश्शा हमारे सर पे था जिस का चढ़ा हुआ
ऐ यार हम में अब वो जवानी तो है नहीं
बच्चे जिसे सँभाल के 'नजमी' न रख सके
दस्तार मेरी इतनी पुरानी तो है नहीं
be-vaj.h log aa.e haiñ paanī to hai nahīñ
vaise bhī un ko aag bujhānī to hai nahīñ
jis din ubaal aa gayā phir ḳhairiyat kahāñ
ye ḳhuun hai hamārā ye paanī to hai nahīñ
bekār aap baiThe haiñ ghere hue mujhe
ab mere paas koī kahānī to hai nahīñ
kyā guftugū karūñ maiñ yahāñ ahl-e-'ilm se
lahje meñ mere itnī ravānī to hai nahīñ
samjhe na jo ishāre ko thoḌā bahut mire
kahne ko ab vo itnī divānī to hai nahīñ
album se apne dil kī haTāte ho kis liye
tasvīr merī itnī purānī to hai nahīñ
tere baġhair sair ko jā.ūñ maiñ kis liye
tere baġhair shaam suhānī to hai nahīñ
ik be-vafā se kar ke mohabbat fuzūl meñ
dar dar kī mujh ko ḳhaak uḌānī to hai nahīñ
nashsha hamāre sar pe thā jis kā chaḌhā huā
ai yaar ham meñ ab vo javānī to hai nahīñ
bachche jise sañbhāl ke 'najmī' na rakh sake
dastār merī itnī purānī to hai nahīñ
بے وجہ لوگ آئے ہیں پانی تو ہے نہیں
ویسے بھی ان کو آگ بجھانی تو ہے نہیں
جس دن ابال آ گیا پھر خیریت کہاں
یہ خون ہے ہمارا یہ پانی تو ہے نہیں
بے کار آپ بیٹھے ہیں گھیرے ہوئے مجھے
اب میرے پاس کوئی کہانی تو ہے نہیں
کیا گفتگو کروں میں یہاں اہل علم سے
لہجے میں میرے اتنی روانی تو ہے نہیں
سمجھے نہ جو اشارے کو تھوڑا بہت مرے
کہنے کو اب وہ اتنی دوانی تو ہے نہیں
البم سے اپنے دل کی ہٹاتے ہو کس لئے
تصویر میری اتنی پرانی تو ہے نہیں
تیرے بغیر سیر کو جاؤں میں کس لئے
تیرے بغیر شام سہانی تو ہے نہیں
اک بے وفا سے کر کے محبت فضول میں
در در کی مجھ کو خاک اڑانی تو ہے نہیں
نشہ ہمارے سر پہ تھا جس کا چڑھا ہوا
اے یار ہم میں اب وہ جوانی تو ہے نہیں
بچے جسے سنبھال کے نجمیؔ نہ رکھ سکے
دستار میری اتنی پرانی تو ہے نہیں