बसा-औक़ात मायूसी में ये आलम भी होता है
तबस्सुम की तहों में एहतिमाम-ए-ग़म भी होता है
ख़ुशी तन्हा नहीं आती जिलौ में ग़म भी होता है
जहाँ हँसती हैं कलियाँ गिर्या-ए-शबनम भी होता है
नई तहज़ीब के मे'मार शायद उस से ग़ाफ़िल हैं
ब-ईं आसार-ए-आलम दरहम-ओ-बरहम भी होता है
जो आँखें घूंघटों में रोज़ के फ़ाक़ों से पुर-नम हैं
उन आँखों में फुसून-ए-इस्मत-ए-मरियम भी होता है
ब-ईमा-ए-ख़िरद तुम देखते हो जिस को नफ़रत से
वो दीवाना ख़िरद की अस्ल का महरम भी होता है
रबाब-ए-ज़ि़ंदगी के ज़मज़मों पर झूमने वाले
हर इक नग़्मे में ना-मालूम सा मातम भी होता है
वो इंसाँ नाज़ करता है जो अव्वल से शराफ़त पर
बहकता है तो नंग-ए-अज़्मत-ए-आदम भी होता है
जवानी सैल-ए-शेर-ओ-बादा-ए-नग़्मा सही लेकिन
ये तूफ़ान-ए-लताफ़त ख़ुद-बख़ुद मद्धम भी होता है
जिसे कोई समझ ले सादगी से हासिल-ए-हस्ती
वो जब हासिल नहीं होता तो आख़िर ग़म भी होता है
तबस्सुम फूल बरसाता है जिन रंगीन होंटों से
उन्ही होंटों पे इक दिन नाला-ए-पैहम भी होता है
ब-जुज़ ज़ात-ए-ख़ुदा 'एहसान' कोई भी नहीं अपना
सुना था लाख दुश्मन हों तो इक हमदम भी होता है
basā-auqāt māyūsī meñ ye aalam bhī hotā hai
tabassum kī tahoñ meñ ehtimām-e-ġham bhī hotā hai
ḳhushī tanhā nahīñ aatī jilau meñ ġham bhī hotā hai
jahāñ hañstī haiñ kaliyāñ girya-e-shabnam bhī hotā hai
na.ī tahzīb ke me.amār shāyad us se ġhāfil haiñ
ba-īñ āsār-e-ālam darham-o-barham bhī hotā hai
jo āñkheñ ghūñghaToñ meñ roz ke fāqoñ se pur-nam haiñ
un āñkhoñ meñ fusūn-e-ismat-e-mariyam bhī hotā hai
ba-īmā-e-ḳhirad tum dekhte ho jis ko nafrat se
vo dīvāna ḳhirad kī asl kā mahram bhī hotā hai
rabāb-e-zindagī ke zamzamoñ par jhūmne vaale
har ik naġhme meñ nā-mālūm sā mātam bhī hotā hai
vo insāñ naaz kartā hai jo avval se sharāfat par
bahaktā hai to nañg-e-azmat-e-ādam bhī hotā hai
javānī sail-e-sher-o-bāda-e-naġhma sahī lekin
ye tūfān-e-latāfat ḳhud-baḳhud maddham bhī hotā hai
jise koī samajh le sādgī se hāsil-e-hastī
vo jab hāsil nahīñ hotā to āḳhir ġham bhī hotā hai
tabassum phuul barsātā hai jin rañgīn hoñToñ se
unhī hoñToñ pe ik din nāla-e-paiham bhī hotā hai
ba-juz zāt-e-ḳhudā 'ehsān' koī bhī nahīñ apnā
sunā thā laakh dushman hoñ to ik hamdam bhī hotā hai
بسا اوقات مایوسی میں یہ عالم بھی ہوتا ہے
تبسم کی تہوں میں اہتمام غم بھی ہوتا ہے
خوشی تنہا نہیں آتی جلو میں غم بھی ہوتا ہے
جہاں ہنستی ہیں کلیاں گریۂ شبنم بھی ہوتا ہے
نئی تہذیب کے معمار شاید اس سے غافل ہیں
بہ ایں آثار عالم درہم و برہم بھی ہوتا ہے
جو آنکھیں گھونگھٹوں میں روز کے فاقوں سے پر نم ہیں
ان آنکھوں میں فسون عصمت مریم بھی ہوتا ہے
بہ ایمائے خرد تم دیکھتے ہو جس کو نفرت سے
وہ دیوانہ خرد کی اصل کا محرم بھی ہوتا ہے
رباب زندگی کے زمزموں پر جھومنے والے
ہر اک نغمے میں نا معلوم سا ماتم بھی ہوتا ہے
وہ انساں ناز کرتا ہے جو اول سے شرافت پر
بہکتا ہے تو ننگ عظمت آدم بھی ہوتا ہے
جوانی سیل شعر و بادۂ نغمہ سہی لیکن
یہ طوفان لطافت خود بخود مدھم بھی ہوتا ہے
جسے کوئی سمجھ لے سادگی سے حاصل ہستی
وہ جب حاصل نہیں ہوتا تو آخر غم بھی ہوتا ہے
تبسم پھول برساتا ہے جن رنگین ہونٹوں سے
انہی ہونٹوں پہ اک دن نالۂ پیہم بھی ہوتا ہے
بجز ذات خدا احسانؔ کوئی بھی نہیں اپنا
سنا تھا لاکھ دشمن ہوں تو اک ہمدم بھی ہوتا ہے