बला से हो शाम की सियाही कहीं तो मंज़िल मिरी मिलेगी
उधर अँधेरे में चल पड़ूँगा जिधर मुझे रौशनी मिलेगी
हुजूम-ए-महशर में कैसा मिलना नज़र-फ़रेबी बड़ी मिलेगी
किसी से सूरत तिरी मिलेगी किसी से सूरत मिरी मिलेगी
तुम्हारी फ़ुर्क़त में तंग आ कर ये मरने वालों का फ़ैसला है
क़ज़ा से जो हम-कनार होगा उसे नई ज़िंदगी मिलेगी
क़फ़स से जब छुट के जाएँगे हम तो सब मिलेंगे ब-जुज़-नशेमन
चमन का एक एक गुल मिलेगा चमन की इक इक कली मिलेगी
तुम्हारी फ़ुर्क़त में क्या मिलेगा तुम्हारे मिलने से क्या मिलेगा
'क़मर' के होंगे हज़ार-हा ग़म रक़ीब को इक ख़ुशी मिलेगी
balā se ho shaam kī siyāhī kahīñ to manzil mirī milegī
udhar añdhere meñ chal paḌūñgā jidhar mujhe raushnī milegī
hujūm-e-mahshar meñ kaisā milnā nazar-farebī baḌī milegī
kisī se sūrat tirī milegī kisī se sūrat mirī milegī
tumhārī furqat meñ tañg aa kar ye marne vāloñ kā faisla hai
qazā se jo ham-kanār hogā use na.ī zindagī milegī
qafas se jab chhuT ke jā.eñge ham to sab mileñge ba-juz-nasheman
chaman kā ek ek gul milegā chaman kī ik ik kalī milegī
tumhārī furqat meñ kyā milegā tumhāre milne se kyā milegā
'qamar' ke hoñge hazār-hā ġham raqīb ko ik ḳhushī milegī
بلا سے ہو شام کی سیاہی کہیں تو منزل مری ملے گی
ادھر اندھیرے میں چل پڑوں گا جدھر مجھے روشنی ملے گی
ہجوم محشر میں کیسا ملنا نظر فریبی بڑی ملے گی
کسی سے صورت تری ملے گی کسی سے صورت مری ملے گی
تمہاری فرقت میں تنگ آ کر یہ مرنے والوں کا فیصلہ ہے
قضا سے جو ہمکنار ہوگا اسے نئی زندگی ملے گی
قفس سے جب چھٹ کے جائیں گے ہم تو سب ملیں گے بجز نشیمن
چمن کا ایک ایک گل ملے گا چمن کی اک اک کلی ملے گی
تمہاری فرقت میں کیا ملے گا تمہارے ملنے سے کیا ملے گا
قمرؔ کے ہوں گے ہزارہا غم رقیب کو اک خوشی ملے گی