बख़्त से कोई शिकायत है न अफ़्लाक से है
यही क्या कम है कि निस्बत मुझे इस ख़ाक से है
ख़्वाब में भी तुझे भूलूँ तो रवा रख मुझ से
वो रवय्या जो हवा का ख़स-ओ-ख़ाशाक से है
बज़्म-ए-अंजुम में क़बा ख़ाक की पहनी मैं ने
और मिरी सारी फ़ज़ीलत इसी पोशाक से है
इतनी रौशन है तिरी सुब्ह कि होता है गुमाँ
ये उजाला तो किसी दीदा-ए-नमनाक से है
हाथ तो काट दिए कूज़ा-गरों के हम ने
मो'जिज़े की वही उम्मीद मगर चाक से है
baḳht se koī shikāyat hai na aflāk se hai
yahī kyā kam hai ki nisbat mujhe is ḳhaak se hai
ḳhvāb meñ bhī tujhe bhūlūñ to ravā rakh mujh se
vo ravayya jo havā kā ḳhas-o-ḳhāshāk se hai
bazm-e-anjum meñ qabā ḳhaak kī pahnī maiñ ne
aur mirī saarī fazīlat isī poshāk se hai
itnī raushan hai tirī sub.h ki hotā hai gumāñ
ye ujālā to kisī dīda-e-namnāk se hai
haath to kaaT diye kūza-garoñ ke ham ne
mo.ajize kī vahī ummīd magar chaak se hai
بخت سے کوئی شکایت ہے نہ افلاک سے ہے
یہی کیا کم ہے کہ نسبت مجھے اس خاک سے ہے
خواب میں بھی تجھے بھولوں تو روا رکھ مجھ سے
وہ رویہ جو ہوا کا خس و خاشاک سے ہے
بزم انجم میں قبا خاک کی پہنی میں نے
اور مری ساری فضیلت اسی پوشاک سے ہے
اتنی روشن ہے تری صبح کہ ہوتا ہے گماں
یہ اجالا تو کسی دیدۂ نمناک سے ہے
ہاتھ تو کاٹ دیے کوزہ گروں کے ہم نے
معجزے کی وہی امید مگر چاک سے ہے