बख़्श दी हाल-ए-ज़बूँ ने जल्वा-सामानी मुझे
काश मिल जाए ज़माने की परेशानी मुझे
ऐ निगाह-ए-दोस्त ऐ सरमाया-दार-ए-बे-ख़ुदी
होश आता है तो होती है परेशानी मुझे
खुल चुका हाँ खुल चुका दिल पर तिरा रंगीं फ़रेब
दे न धोका ऐ तिलिस्म-ए-हस्ती-ए-फ़ानी मुझे
फिर न साबित हो कहीं नंग-ए-बयाबाँ जिस्म-ए-राज़
सोच कर करना जुनूँ माइल ये 'उर्यानी मुझे
मुंतहा-ए-ज़ौक़-ए-सज्दा ये कि इक पैहम फ़रेब
कुफ़्र तक ले आई तक्मील-ए-मुस्लमानी मुझे
मंज़िलों 'एहसान' पीछे रह गए दैर ओ हरम
ले चला जाने कहाँ सैलाब-ए-हैरानी मुझे
baḳhsh dī hāl-e-zabūñ ne jalva-sāmānī mujhe
kaash mil jaa.e zamāne kī pareshānī mujhe
ai nigāh-e-dost ai sarmāya-dār-e-be-ḳhudī
hosh aatā hai to hotī hai pareshānī mujhe
khul chukā haañ khul chukā dil par tirā rangīñ fareb
de na dhokā ai tilism-e-hastī-e-fānī mujhe
phir na sābit ho kahīñ nañg-e-bayābāñ jism-e-rāz
soch kar karnā junūñ maa.il ye 'uryānī mujhe
muntahā-e-zauq-e-sajda ye ki ik paiham fareb
kufr tak le aa.ī takmīl-e-musalmānī mujhe
manziloñ 'ehsān' pīchhe rah ga.e dair o haram
le chalā jaane kahāñ sailāb-e-hairanī mujhe
بخش دی حال زبوں نے جلوہ سامانی مجھے
کاش مل جائے زمانے کی پریشانی مجھے
اے نگاہ دوست اے سرمایہ دار بے خودی
ہوش آتا ہے تو ہوتی ہے پریشانی مجھے
کھل چکا ہاں کھل چکا دل پر ترا رنگیں فریب
دے نہ دھوکا اے طلسم ہستیٔ فانی مجھے
پھر نہ ثابت ہو کہیں ننگ بیاباں جسم راز
سوچ کر کرنا جنوں مائل یہ عریانی مجھے
منتہائے ذوق سجدہ یہ کہ اک پیہم فریب
کفر تک لے آئی تکمیل مسلمانی مجھے
منزلوں احسانؔ پیچھے رہ گئے دیر و حرم
لے چلا جانے کہاں سیلاب حیرانی مجھے